LUQAASI 4:40 - Qullaawa Maxaafa

⁴⁰ Arrishsho e'uta, mannu addi addi dhibbi amadinore baala haa're Yesuusiwa abbi. Isino mitto mittonka angasi aanaho wore hursinsa.

LUQAASI 4:40 ပူးပေါင်းရင်းမြစ်များ

MAATEWOOSI 11:5

Illiweelootu la'anno; naafootu uurrite hadhanno; dhiigaammu keeraabbanno; macciweelootu affanno; reyitinori ka'anno; buxanete Dancha Duduwo kullanni.

MAATEWOOSI 14:13

Yesuusi Yohaannisi reyo macciishshe, yowolote ofolle mannu nookkiwa hasi're callisi ha'ri. Mannuno konne coye macciishshe katammatenni fule lekkatenni faana gananni ha'ri.

MAARQOOSI 3:10

Lowo manni dhibba hurino daafira dhibbu qarrisino manni baalu iso kisara yee mimmito tuttugi.

MAARQOOSI 5:23

«Shiima qaaqqo'ya lowo geeshsha dhiwanteenna, reyote agarre hee'noonni. Ballo gatte lubbotenni heedhannoe gede marte angakki aanaho worise» yee huucci'ri.

MAARQOOSI 6:5

Hakkiicho shiima dhiwamaano, anga aanaho wore hursa agurranna, wole maalale diassino.

SOQQAMAASINETE LOOSO 19:12

Kunnira Phaawuloosi bisi kinso uddanonna maaraabe haadhe dhiwantinori biso kisiissuro nafa mannu dhibbunni huranno; durriisuno fulanno.

SOQQAMAASINETE LOOSO 5:15

Lowo manni dhiwamino manna daallasunninna reretenni haa're masse doogote gama woranno. Hatto assitannohu Pheexiroosi hakkaanni hige sa"anno woyite caalisi nafa aanaho uwansara hasidheeti.