LUQAASI 4:32 - Qullaawa Maxaafa

³² Gashshaanchu gede ikke rosiisanni noo daafira, baalunku rosiisino gara dhaggeeffattu.

LUQAASI 4:32 ပူးပေါင်းရင်းမြစ်များ

MAARQOOSI 1:22

Yesuusi rosiisinsa woyite, Muse Seeri rosiisaano gede ikkikkinni gashshaanchu gede ikke rosiisinonsa daafira, macciishshituri rosiisino gara dhaggeeffattu.

LUQAASI 2:47

Macciishshituri baalu egennosinna qolanno dawaro maalale assidhu.

LUQAASI 4:33

Xaadu mine bushu ayyaani amadino manchi no; isino qoonqosi naggi asse,

LUQAASI 4:36

Hakko noo manni baalu dhagge assi're, «Kuni hiittoo rosooti? Busha ayyaanna roorretenninna wolqatenni hajajanno; insano hajajante fultanni no» yitanni insa insanaawa hasaabbu.

YOHAANNISI 6:63

Heeshsho aannohu Ayyaanaho; mannu wolqa mittoreno dikaa'litanno. Ani kuloommo'ne qaali ayyaanaho; qoleno heeshshote.

YOHAANNISI 7:46

Agaraasineno, «Kuni manchi coyi'ranno garinni ayino coyi're diegennino» yitu.

LAYINKI QORONTOOSI 4:2

Saalfachishannoha go'le noo coye facci assine agurroommo; dixagarreemmo; Maganu qaale diqadaawulleemmo. Halaale xawinse kulankenni, mannu baalu tii"ira yine umonke Maganu albaanni reqecci assineemmo.

UMI TESELONQE 1:5

Danchu Duduwi ki'newa wolqatenninna Qullaawu Ayyaaninni, wo'ma buuxanni ikkinnina qaalu callunni didayino. Ledo'ne hee'noommo yannara, ki'ne daafira yine hiitto ikkinoommoro affinoonni.

TIITO 2:15

Konne coye baala rosiisi; wo'ma roorrenni seejji; hayi yii; ayino mishoonkehe.