LUQAASI 4:22 - Qullaawa Maxaafa

²² Baalunku Isire dhaggeeffattanninna ashilaamu hasaawisire dudubbanni, «Isi Yooseefi beetto di"ikkino?» yitu.

LUQAASI 4:22 ပူးပေါင်းရင်းမြစ်များ

FAARSO 45:2

Ati manna baala roore xumaati; Maganu maassi'rinohe daafira, hasaawikki coommannoha ikkino.

FAARSO 45:4

Joongillenna taashsha qolate, xirchikkinni qeelle afi'ratto gede gulufi; wolqaataame cigilekki jawa looso loossanno.

LAWISHSHA 10:32

Keeraanote afii coommannore coyi'ranno; bushuullu afiinni kayinni sarraaqu fulanno.

LAWISHSHA 16:21

Wodancha afi'rino mancho egennaamoho yinanni; danchu hasaawisinni manna adhanno.

LAWISHSHA 25:11

Garunni coyi'noonni coyi, birru mereero worroonni culki gedee xu'maati.

ROSIISAANCHO 10:12

Egennaamu manchi afiisinni fulanno coyinni, ayirrinye afi'ranno. Gowwa kayinni, afiisinni fulanno coyi hunannosi.

FAARSO ROORE FAARSO 5:16

Afiisi malawimma coommanno; suudisi baalu baxisannoho. Yerusaalamete seenne, baxillaanchi'yanna jaali'ya togooho!

ISAYAASI 50:4

Wolqa hoogginore jawaachisheemmo gede, Mootichu Kaaliiqi coyi'reemmore kulinoe; soodimaroho baqqi yee, rosiisannore macciishsheemmo gede assannoe.

LUQAASI 2:47

Macciishshituri baalu egennosinna qolanno dawaro maalale assidhu.

LUQAASI 2:48

Yooseefinna Maariyaami Iso Qullaawa Mine affe dhaggeeffattu. Amasi qolte, «Beetto'ya, togo mayira assittonke? Annikkinna ani ate hansanni qarrammoommo» yitusi.

LUQAASI 21:15

Ani, baarigaarra'ne garta'nera dandiitannokki hayyonna egenno eemmo'nena.

LUQAASI 4:21

Isino, «Kuneeti, xa nabbawanna macciishshitinihu Qullaawu Maxaafi qaali techo wo'mino» yiinsa.

YOHAANNISI 1:45

Filiphoosi Naatinaeeli afe, «Muse Seerunnihura, himanaanono himanu maxaaffara isi daafira borreessituhawe anfummo. Isi Yooseefi beetti, Naaziretete Yesuusaati» yii.

YOHAANNISI 6:42

Insano qolte, «Kuni Yooseefi beetto Yesuusa di"ikkino? Annasinna amasi dianfoommo? Hiitto ikke ‹Gordunni dirroommo› yaanno?» yitu.

YOHAANNISI 7:46

Agaraasineno, «Kuni manchi coyi'ranno garinni ayino coyi're diegennino» yitu.

SOQQAMAASINETE LOOSO 6:10

Isxifaanoosi coyi'ranni noo hayyo uyinosi Ayyaana gibburono iso kayinni ittisa didandiitino.

TIITO 2:8

Minshanniri nookki hasaawa hasaawinsa. Kunni garinni qoxxissannonkeri ninke aana haadhe kultannore hoogge saalfattanno.