LUQAASI 4:18 - Qullaawa Maxaafa

¹⁸ «Mootichu Ayyaani ane aana no; buxanete Dancha Duduwo duduwate shoominoe; usurantinori tidhantannota kulate, illiweelootu la'annota lallawatenna, kadantinore kadotenni fushshate soyinoe.

LUQAASI 4:18 ပူးပေါင်းရင်းမြစ်များ

KALAQAMA 3:15

atenna manchote mereero, sirchikkinna sirchise mereero diinoomu hee'ranno gede asseemmo; isi umokki cancananno; atino gindesi qasatto» yii.

LAYINKI DUDUWO 34:27

Ani Yerusaalamenna giddose noo manna qorichisheemmo gara macciishshitto yannara, umokki shollishshe dadillunni uddanokki darte wi'litanni aagintaawootto. Kunnira huuccattokki macciishshoommo.

FAARSO 147:3

Wodana hiiqqantinore dhaawannonsa; madansarano gaga gananno.

FAARSO 2:2

Tenne baatto mootoolla ka'e, roorrootuno Kaaliiqanna Buuramino Moote, assitanno gara ma'litanni,

FAARSO 2:6

«Tsiyooni Ilaali qullaawu aana moote'yano moohisi'roommo» yii.

FAARSO 34:18

Kaaliiqi dadillunni hiiqqantinorira mule noonsa; hexxo hoogginore gatisannonsa.

FAARSO 45:7

Ati halaale baxatto; bunshe giwatto; kunnira, wole mootoollanni rooratto gede, Maganu Maganikki hagiirru buuro buurinohe.

FAARSO 51:17

Magano ati baxatto kakkalo heeshshi yiino wodanaati; heeshshi yiinohanna atewa higino wodana dimishatto.

ISAYAASI 32:3

Hatte yannara, la"anno manni ille fa'nantanno; macciishshanno manni macca macciishshitanno.

ISAYAASI 35:5

Hatte yannara ballootu ille la'anno; macciweelootu macca fa'nitanno.

ISAYAASI 42:7

Atino balloota ille fanatto; tunsote usurante nooreno, usuri mininni fushshatto.

ISAYAASI 45:13

Qiroosi keeraancho looso loosanno gedenna, hedo'ya wonshanno gede kayisoommo; doogono qineesseemmosi. Katama'ya Yerusaalame galagalche minanno; qafadame nooha manna'yano tiranno; konne assannohuno uyinannisiri hee'reenna di"ikkino. Konne coye coyi'roommohu ani Olantote Mootichaati› » yii.

ISAYAASI 49:9

Atino usuranyoota, ‹Amme fultine hadhe!› Tunsichoho noore, ‹Xawaabbunniwa amme!› yaatto. Doogga baalate sagale ittanno; mullichu gaari aana intanni sagale afidhanno.

ISAYAASI 50:4

Wolqa hoogginore jawaachisheemmo gede, Mootichu Kaaliiqi coyi'reemmore kulinoe; soodimaroho baqqi yee, rosiisannore macciishsheemmo gede assannoe.

ISAYAASI 57:15

Rooriidihunna wo'munkura aliidihu, hegerera hee'rannohu Qullaawu, «Ani iima qullaawa darga hee'reemmo. Qoleno umonsa heeshshi assitannorihanna saonsa aagintaabbannori wodana haaroonseemmo.

ISAYAASI 59:21

Manna'ya, ani ki'nera Ayyaana'yanna qaale'ya eemmo'ne; kunino ki'neranna maate'nera hegere iqqaati. Konne coye coyi'roommohu ani Kaaliiqaati» yii.

ISAYAASI 61:1

Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

HIZIQEELI 9:4

«Yerusaalamete katami baalaho kawanna ka'a higge ha'rami. Katamaho assinoonnihu tiyyi'nanni coyinni kainohunni, lowo geeshsha yaade dadillanni noo manni albi aana malaate wori» yiisi.

DAANIEELI 9:24

«7 hige 70 lamala yinannihu Maganu mannakkinna qullaawa katamakki cubbunninna bunshetewiinni keere fushshate hirqino yannaati. Hatte yannara cubbu aguramanno; hegere halaali darga amadeenna ajuujanna himanu wo'manno; Qullaawa Mineno gatamarre maassi'nanni.

SOFFOONIYAASI 3:12

Mereero'ne umosi heeshshi assinoha jooga manna gatiseemmo. Kuni mannino ane hexxannohanna kaa'lo'ya hasi'rannoha ikkanno.

ZAKKAARIYAASI 11:11

Kunni garinni, gondooru hakko barranni diigami; konne asseemmo woyite, ge'reewo hirtanninna hidhitanni noori ane widira higge la'anni, Kaaliiqi ani assoommori widoonni qole coyi'rinota affu.

MILKIYAASI 4:2

Hajajantinannierira ki'nera kayinni gatote arrishsho fultanno'ne; qolteno hursitanno'ne. Ki'neno fafisidhine usurunni tirroonni siitti gede ikkitine burraaqqinanni.

MAATEWOOSI 11:5

Illiweelootu la'anno; naafootu uurrite hadhanno; dhiigaammu keeraabbanno; macciweelootu affanno; reyitinori ka'anno; buxanete Dancha Duduwo kullanni.

MAATEWOOSI 12:18

«Doodhoommohu soqqamaanchi'ya konneeti. Isi ani baxeemmohonna hagiidheemmoho. Ayyaana'yano isi aana woreemmo; isi gosate ane yoo kulanno.

MAATEWOOSI 12:20

Dabbino shomboqqo nafa dihiiqqanno; ba"ara rahino caabbichono dixoyissanno. Halaalu qeela geeshsha cincanno.

MAATEWOOSI 4:16

tunsote hee'ranno manni, lowo xawaabba lai. Reyote caali gobbara heedhannorira caabbichu fuli» yee himanino himani wo'manno gedeeti.

MAATEWOOSI 5:3

«Ayyaanunni buxxinori ba'raadhinoreeti; gordu gashshooti insahona.

LUQAASI 4:17

Himanaanchu Isayaasi Maxaafa uyinisi. Maxaafa fanita,

LUQAASI 6:20

Yesuusi rosaanosi widira hige lae, «Maganu Gashshooti ki'neha ikkino daafira, ki'ne buxane ba'raadhinoonnireeti.

LUQAASI 7:22

Yesuusi Yohaannisi sokkaanora, «Hadhine la'inoonnirenna macciishshitinoonnire baala Yohaannisira kullesi. Ballootu la'anno; naafootu uurrite hadhanno; dhiigaammu keeraabbanno; macciweelootu macciishshitanno; reyitinori ka'anno; buxanete Dancha Duduwo kullanni.

YOHAANNISI 1:41

Indiriyaasi alba ikke rodiisiwa Simiooni Pheexiroosiwa mare, «Kiristoosa anfummowe» yii.

YOHAANNISI 12:46

Ane amma'nannohu baalu tunsichoho hee'rannokki gede, ani tenne gobba xawaabba ikke dayommo.

YOHAANNISI 3:34

Maganu Ayyaanasi qircikkinni aannosi daafira, Maganu soyinohu Maganu qaale coyi'ranno.

SOQQAMAASINETE LOOSO 10:38

Qoleno Maganu Naaziretete Yesuusa Qullaawu Ayyaaninni buurinotanna wolqa uyinosita affinoonni. Maganu isi ledo noo daafira danchare assanninna Sheexaanu amadino manna baala hursanni gobba duucha tuqino.

SOQQAMAASINETE LOOSO 26:18

Illensa fanattonna tunsichunni xawaabba fushshattonsara, Sheexaanu gashshooti giddonni Maganunniwa qolattonsa gede asseemmohe. Insa ane ammanansanni cubbu maaro afidhanno; doorantinori ledono iqqa adhitanno.›

SOQQAMAASINETE LOOSO 4:26

Tenne gobba mootoolla ka'e, Mootoollano mitteenni songite, Kaaliiqinna Buuraminohu aana ka'u› yite coyi'roottohu ateeti.

SOQQAMAASINETE LOOSO 4:27

«Halaaleho Heeroodisinna Phenxenichu Philaaxoosi dagatenna Israeelete manni ledo kunni katamira gamba yite, buuraminohu Qullaawu soqqamaanchi Yesuusi aana ka'ino.

QOLASIYAASI SOKKA 1:13

Isi tunsichu gashshooti giddonni fushshe, baxannohu Beettisi gashshooti giddora eessinonke.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

UMI PHEEXIROOSI 2:9

Ki'ne kayinni tunsichunni maala'linanni caabbichiwa woshshino'ne Maganiha dhaggete looso kultinara doorantinoonni ilamaati; mootete qeesootaati; qullaawa mannaati; isira baxxitinoonni gosaati.