LUQAASI 3:8 - Qullaawa Maxaafa

⁸ Xaate aagintaawa'ne leellishanno looso loosse ikkinnina, ninke Abirihaami sirchooti yitinanni wodani'nenni boo'nitinoonte. Maganu tenne kinna giddonni Abirihaamira ila kayisa dandaannota kuleemmo'ne.

LUQAASI 3:8 ပူးပေါင်းရင်းမြစ်များ

NEHIMIYA 5:11

Woxeno ikko gide woy woyinenna zayiteno ikkituro liqiissitinoonnire baala agurrensa. Baattonsa, woyinete kaashshonna zayitete haqqe kaansanni gatenna minensa baala xaanni qollensa» yoommo.

HIZIQEELI 33:24

«Koo manchi beetto, Israeelete gobbara diigantino katammara hee'ranno manni, ‹Abirihaami callichosiiti. Ikkollana baatto baala ragi'rino; ninke kayinni batinyeho; baatto ninkera iqqinoonninkete› yaanno.

MAATEWOOSI 21:43

«Ani kuleemmo'nena, Maganu Gashshoote ki'newiinni haa'ne guma laalanno mannira uyinanni.

MAATEWOOSI 3:8

Xaate aagintaawa'ne leellishanno looso loosse.

MAATEWOOSI 3:9

‹Abirihaami annankeeti› yaatenni gattinanniha lawoonke'ne; Maganu tenne kinna giddonni Abirihaamira ila ikkitannore kayisa dandaannota kuleemmo'ne.

LUQAASI 13:25

Minu anni kae waalcho cufanno. Ki'ne gobbaanni uurritine woshshitinanni, ‹Mooticha, ninkeetina faninke!› yitinanni. Isi qole, ‹Maminni dagginoonniro diegennoommo'ne› yaanno'ne.

LUQAASI 13:26

«Ki'neno, ‹Ate ledo intoommo; angoommo. Kataminkerano rosiisoottonke› yitine qoltinanni.

LUQAASI 14:9

Ki'ne lamenka jilaho woshshino manchi daye, «Konne darga isira uyi!» yiihero, ati galagalte lowo saalinni woffi yiino darga marte ofollatto.

LUQAASI 19:40

Yesuusi qole, «Kuleemmo'nena, insa nafa sammi yituro, kinna raartanno» yiinsa.

LUQAASI 19:9

Yesuusino, «Kuni manchino Abirihaami sircho ikkinohura, techo gato kunni minira daggino.

LUQAASI 5:21

Seeru rosiisaanonna Farisootu, «Kuni Magano xonannohu isi ayiti? Magano agurranna mannu cubbo agura dandaannohu wolu nooni?» yite heddu.

YOHAANNISI 8:33

Insa kayinni, «Ninke Abirihaami sirchooti; borojjimmate hiramme diegenninoommo; ati hiitto ‹Borojjimmatenni fultinanni› yaattonke?» yitu.

YOHAANNISI 8:39

Insa, «Anninke Abirihaamiiti» yituta, Yesuusi kayinni, «Abirihaami ooso ikkitinoommero Abirihaami assinore assitinanni.

SOQQAMAASINETE LOOSO 26:20

Kunnira, umo asse Demaasiqote noo manna qoleno Yerusaalametenna Yihudu gobbara noorenna daga aagintaabbe Maganunniwa higganno gede rosiisoommo. Aagintaawansa leellishanno coyeno assitanno gede rosiisoommonsa.

ROOMU SOKKA 4:16

Kunnira, hexxo amma'nate aana rumuxxitinote. Tenne hexxo Abirihaami sirchi baalaho Maganu eltonni uyinoonnita ikkasera huluullo dino. Kunino Seera agadhitannorira calla ikkikkinni, Abirihaami gede amma'nitinorira baalahooti. Amma'nate widoonni Abirihaami ninke wo'munku annaati.

ROOMU SOKKA 9:7

Abirihaami ooso baala Maganu uyino hexxote yaa di"ikkino. Maganu Abirihaamira, «Sirchikki sirannohu Yisihaaqi widoonniiti» yiino.

FILIPHISIYUSI SOKKA 1:11

Kunni garinni heeshsho'ne Yesuusi Kiristoosi aanno'nehu keeraanchimmate gumi wo'minore ikkitine Maganoho ayirrinyenna galata abbitinannire ikkitinanni.