LUQAASI 24:47 - Qullaawa Maxaafa

⁴⁷ Su'misinni aagintaambannitanna cubbu maaro afi'nannita, Yerusaalametenni kayinse gobba baalate mannira kullannita coyi'noonni.

LUQAASI 24:47 ပူးပေါင်းရင်းမြစ်များ

KALAQAMA 12:3

Maassidhannohere maassi'reemmo; runtannohere rumeemmo; baattote aana heedhanno daga baalanti ate widoonni higge maassantanno.

FAARSO 22:27

Gashshootu Kaaliiqihona, gosa baala qaagge, Kaaliiqiwa higganno; daga baala albasiinni kumbuultanno. Kunni daafira, daga isi gashshanno. Baattote aani duuwaleeyye baala jilte isira kumbuultanno; bushsha e'annori baalunna, lubbonsa reyotenni gatisidhe affannokkiri baalu, albasiinni guluphitanno.

FAARSO 67:7

Maganu maassi'ronke; baattote aana noo gosa baalano ayirrissosi.

FAARSO 86:9

Mooticha, kalaqoottonsa daga baala, dagge albakkiinni kumbuultanno; su'makkino ayirrissanno.

ISAYAASI 11:10

Hakka waro, Isseyi rumushshi gosate malaate ikkanno; gosa baala isiwa tintanno; isi moohanno katami ayirrado ikkanno.

ISAYAASI 49:22

Mootichu Kaaliiqi, «Daga oosokki labballonna seenne, qotinsara dukke abbitannohe gede malaate eemmonsa.

ISAYAASI 49:6

Kaaliiqi, «Galagalchite Yaiqoobi ilamaha ayirrinyensa qolatenna, gatinoha Israeelete manna wodate, soqqamaancho'ya ikka calla di"ikkitino. Hakkiinni roore gatisaanchimma'ya, gobbate qacce geeshsha iillishatto gede, daga baalate caabbicho asseemmohe.

ISAYAASI 5:4

Ani kunni dargira assoommokkiri nooni? Asseemmori gatinoni? Dancha guma laashshanno yee agadhe hee'reenna, qaraaranno guma mayira laashshieyya?

ISAYAASI 52:10

Maganinke Kaaliiqi daga baalate wolqasi leellishanno; gobba baalano gatisaanchimmasi la'anno.

ISAYAASI 52:15

Soqqamaanchi'ya lowo daga wixe keereensanno; mootoollano macciishshite egentinokkire macciishshite, affe egentinokkire affe, afoo cu'midhe maala'litanno» yii.

ERMIYAASI 31:34

Ajuno akkaluno egennannoe daafira, jaalasi woy rodoosi, ‹Kaaliiqa egenni› yee rosiisannohu dihee'ranno; saonsano agureemmonsa. Hakkunni gedensaanni cubbonsa diqaageemmo. Konne coye coyi'roommohu ani Kaaliiqaati» yii.

DAANIEELI 9:24

«7 hige 70 lamala yinannihu Maganu mannakkinna qullaawa katamakki cubbunninna bunshetewiinni keere fushshate hirqino yannaati. Hatte yannara cubbu aguramanno; hegere halaali darga amadeenna ajuujanna himanu wo'manno; Qullaawa Mineno gatamarre maassi'nanni.

HOOSEI 11:8

«Israeele! Ate hiitto asse agureemmohe? Hiitto asseno sayise eemmohe? Adaamanna Tseboyimi assummo gede, hiitto huneemmohe? Ate lowo geeshsha baxeemmohe daafira, konne baala assammora wodani'ya diaannoe.

HOOSEI 2:23

Manna'yano baattote aana wixeemmo; duroo'mitanno gedeno asseemmonsa; «Maaro nookkireeti» yinoonnire maareemmonsa. «Manna'ya di"ikkitinoonni» yinoonnire, manna'yaati yeemmonsa. Insano, «Ati Maganonkeeti» yitannoe.

MIKIYAASI 4:2

kuni mannino, «Seera Tsiyooni, Maganu qaaleno Yerusaalamete anfanni daafira, amme Kaaliiqi ilaala fullona; amme ka'a Yaiqoobi Magani mini huuccattonnihuwa ha'nona. Isi hedinore assineemmo gede rosiisannonke; ninkeno isi doogo hinge ha'neemmo» yaanno.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

MAATEWOOSI 28:19

Xaate hadhine gosa baala Annu, Beettunna Qullaawu Ayyaani su'minni cuu'inanni rosaano'ya assensa.

MAATEWOOSI 3:2

Himanaanchu Isayaasi, «Kuneeti gordu Gashshooti gambisinona, cubbo'ne aagintaabbe!

MAATEWOOSI 9:13

Hadhine, ‹Ani kakkalotenni roore maaro hasi'reemmo› yine borreessinoonnihu mayaatero seekkitine buuxxe! Ani cubbaataamma ikkinnina, keeraano woshshammora didayommo» yiinsa.

LUQAASI 13:34

«Yerusaalame, Yerusaalame, himanaano shaattati, atewa sonkoonnireno kinnatenni awwaalattati, lukkicho caacurrese qoolise giddo hanqafidhannohu gede, oosokki me"e hige hanqafammora hasi'rummo. Atinna mannikki kayinni dihasidhinoonni.

SOQQAMAASINETE LOOSO 10:43

Iso amma'ninohu baalu su'misinni cubbu maaro afi'rannota himanaano baalanti farcidhino» yii.

SOQQAMAASINETE LOOSO 11:18

Insa konne coye macciishshitu yannara qoltannore hoogge Magano galattanni, «Xa Maganu dagate nafa aagintaabbe heeshsho afidhanno kaayyo uyinonsa» yitu.

SOQQAMAASINETE LOOSO 13:46

Phaawuloosinna Barnabaasi bashshi assitukkinni, «Balanxe ki'nera Maganu qaale kula hasiissanno. Ki'ne kayinni gibbine ‹hegere heeshshono dihasiissannonke› yitine murcidhiniro, ki'ne agurre daganniwa ha'neemmo.

SOQQAMAASINETE LOOSO 2:38

Pheexiroosino, «Aagintaabbine higge; cubbo'ne agurranni'ne gede, mitti mitti'ne Yesuusi Kiristoosi su'minni cuuamme; Qullaawu Ayyaani eltono adhitinannina.

SOQQAMAASINETE LOOSO 20:21

Ayihudeno dagano aagintaabbe Maganunniwa higgannonna Mooticha Yesuusa ammantanno gede farci'roommo.

SOQQAMAASINETE LOOSO 26:18

Illensa fanattonna tunsichunni xawaabba fushshattonsara, Sheexaanu gashshooti giddonni Maganunniwa qolattonsa gede asseemmohe. Insa ane ammanansanni cubbu maaro afidhanno; doorantinori ledono iqqa adhitanno.›

SOQQAMAASINETE LOOSO 26:20

Kunnira, umo asse Demaasiqote noo manna qoleno Yerusaalametenna Yihudu gobbara noorenna daga aagintaabbe Maganunniwa higganno gede rosiisoommo. Aagintaawansa leellishanno coyeno assitanno gede rosiisoommonsa.

SOQQAMAASINETE LOOSO 28:28

«Xa kayinni tenne Maganunnita gatisaanchimmasi sokka dagate sonkoonnita affe; insano, ‹Maahoyye› yite adhitanno» yii.

SOQQAMAASINETE LOOSO 3:19

Kunnira, cubbi'ne aguramanno'ne gede aagintaabbine Maganunniwa higge.

SOQQAMAASINETE LOOSO 4:12

Gato wolewa ayewano dino. Gatote hasiisannonkehu mannaho uyinoonni su'mi gordoho woroonni wolu dino» yii.

SOQQAMAASINETE LOOSO 5:31

Maganu Israeelete aagintaabbeenna cubbonsa agurara, Yesuusa Gashshaannanna Gatisaancho asse qiniitesiinni ayirrinyunni ofollanno gede assino.

ROOMU SOKKA 5:20

Seeru aamama cubbu bati'ranno gede assitino; cubbu bati'rinowa kayinni Maganu elto roore batidhino.

EFESOONI SOKKA 1:6

Baxannoha Beettosi calla uyinonketera ayirrado eltosi daafira Magano galanto!

EFESOONI SOKKA 3:8

Ani Maganu manni baalaho woriidiha ikkummorono, dannu nookkita Kiristoosi jiro Dagate kuleemmo gede tenne elto uyinoonnie.

QOLASIYAASI SOKKA 1:27

Maganu hedo, daga baalate malinota go'lite keeshshitinota ayirrinyisi jiro qullaawootaho leellishate; go'le keeshshino coyino, ki'ne gutantinannihu Maganu ayirrinyi Kiristoosi giddo'ne hee'rate.

UMI YOHAANNISI 2:12

Ooso! Cubbo'ne isi su'minni agurroonni'ne daafira, borreesse kuleemmo'ne.