LUQAASI 24:45 - Qullaawa Maxaafa

⁴⁵ Hakkunni gedensaanni Qullaawa Borro wodanchitanno gede wodanansa fane,

LUQAASI 24:45 ပူးပေါင်းရင်းမြစ်များ

IYYOOBI 33:16

Hatte yannara, mannaho maccate coyi'ranno; mannano qorophishiishshisinni waajjishanno.

FAARSO 119:18

Seerikki giddo nooha dhaggete halaale laeemmo gede, ille'ya fanie.

FULO 4:11

Kaaliiqino qole Musera, «Mannaho afoo kalaqinohu ayeti? Danqicha woy macciweelo, illete afannohanna illiweelo kalaqinohu ayeti? Konne baalanka assoommohu ane Kaaliiqa di"ikkoommo?

LUQAASI 24:32

Insa insanaawa, «Doogote hee'neenna hasaawisanninkenna Qullaawa Borro qaagiissanni kulinke yannara wodaninke giirate gede ikke dibuwinke!» yitu.

SOQQAMAASINETE LOOSO 16:14

Macciishshanni noo meenti giddo Liidiya yinanniti Tiyaxirooni Katamira duume uddano daddaltanno mancho no. Ise Magano magansidhannote. Maganu wodanase faneenna Phaawuloosi coyi'ranno coye macciishshitu.

SOQQAMAASINETE LOOSO 26:18

Illensa fanattonna tunsichunni xawaabba fushshattonsara, Sheexaanu gashshooti giddonni Maganunniwa qolattonsa gede asseemmohe. Insa ane ammanansanni cubbu maaro afidhanno; doorantinori ledono iqqa adhitanno.›

EFESOONI SOKKA 5:14

Xawaabbu baalanka coye xawise leellishanno. Kunnira: «Ati goxxe noottohu baqqi yii! Reyotennino kai! Kiristoosi xawisannohena» yinoonni.

UMI YOHAANNISI 5:20

Maganu Beetti dayinotanna halaale anfeemmo gede wodancha uyinonketa egenninoommo. Beettisi Yesuusi Kiristoosi widoonni halaalaanchu Magani ledo mittimma afi'noommo. Yesuusi Kiristoosino halaalaancho Maganootinna hegere heeshshoho.

YOHAANNIS AJUUJA 3:7

«Filidelfiyu Katamira noo beetekiristaane sokkaasinchira, « ‹Waalcho fannanniti Daawiti qulfe noosihu qullaawunna halaalaanchu coyi'rino coyeti. Isi faninoha ayino dicufanno; isi cufinohano ayino difananno: