LUQAASI 24:36 - Qullaawa Maxaafa

³⁶ Lamunku rosaano konne coye kultanni heedheenna Yesuusi umisi mereeronsa uurre, «Keeru ledo'ne hee'ro!» yiinsa.

LUQAASI 24:36 ပူးပေါင်းရင်းမြစ်များ

ISAYAASI 57:18

«Ani loosonsa baala afoommo; ikkirono hurseemmonsa; massageemmonsa; galattannoe gede dadillitannori wodanano diggi asseemmo. Mulenna xeertote noorira keere eemmo; manna'yano hurseemmo.

MAATEWOOSI 10:13

Mini manni keere'ne adhiro keeri'ne iillonsa; keere'ne gibbannoha ikkiro kayinni keeri'ne ki'neranni higo.

MAARQOOSI 16:14

Hakkunni gedensaanni, Yesuusi tonaamitunku ofolte sagale ittanni heedheenna leellinsa. «Yesuusi lubbotenni no; illenkenni anfoommo» yee kulinonsa manni coye adha hoogansara, kulloonninsare ammana hoogansaranna wodaninsa dillaawara rufinsa.

LUQAASI 10:5

E'inanni mine baala balaxxine, «Keeru kunni minira ikko» yiiyye.

YOHAANNISI 14:27

«Keere'ya ki'newa woreemmo; keere'ya eemmo'ne. Ani eemmo'ne keeri tini gobba uyitanno'nehu gedeeha di"ikkino. Wodani'ne masoonke; waajjitinoonte!

YOHAANNISI 16:33

Konne coye kuloommo'nehu, anenni heedhine keere afidhinara yeeti. Tenne gobbara heedhini geeshsha qarru noo'ne. Ikkirono waajjitinoonte; ani tenne gobba qeeloommona» yiinsa.

YOHAANNISI 20:26

Mitte lamala gedensaannino rosaanosi mitto mine gamba yite no. Toomaasino ledonsa no. Cufanu cufame hee'reenna Yesuusi daye mereeronsa uurre, «Keeru ki'ne ledo hee'ro!» yiinsa.

SOQQAMAASINETE LOOSO 1:3

Lowo qarra adhe reyihu gedensaanni batinye hige daanni, heeshshonniha ikkasi leellishinonsa. Shoyilloo barra wo'ma leellanninsa Maganu gashshootire rosiisinonsa.

UMI QORONTOOSI 15:5

Pheexiroosira leellihu gedensaanni, tonaa lame rosaanosirano leellino.

UMI QORONTOOSI 15:7

Hakkunni gedensaanni Yaiqoobira leellino; hakkiinni aanche soqqamaasine baalantera leellino.

LAYINKI TESELONQE 3:16

Keeru Mootichi umisi wo'manka woyite baalunku coyinni keere oo'ne. Mootichuno ki'ne baalunku ledo hee'ro.

YOHAANNIS AJUUJA 1:4

Yohaannisiwiinni Issiyaho nootera lamalante beetekiristaanera: Noohu, hee'rinohunna daanno Maganiwiinninna ayirradu barcimisira albaanni noo ayyaanna lamalantewiinni,