LUQAASI 23:43 - Qullaawa Maxaafa

⁴³ Yesuusino, «Halaale kuleemmohena, techonni ane ledo Gannate eatto» yiisi.

LUQAASI 23:43 ပူးပေါင်းရင်းမြစ်များ

FAARSO 32:5

Hakkunni gedensaanni, cubbo'ya atera egensiisate murci'roommo; huna'yano dimaaxoommo; atera sao'ya kuloommo; atino cubbo'ya baala aguroottoe.

FAARSO 50:15

Qarru barra woshshidhe"e; anino gatiseemmo'ne; ki'neno ayirrissinannie.

ISAYAASI 53:11

Keeraanchu soqqamaanchi'ya lubbosi qarrantuhu gedensaanni, heeshshote xawaabba lae hagiidhanno. Egennosinnino lowo manna keereensanno; saonsano duqqanno.

ISAYAASI 65:24

Woshshidhukkinni yee yeemmonsa; huuccidhe guddukkinni qoleemmonsa.

MIKIYAASI 7:18

Cubbo agurannohu, gattinorira saonsa sayisi'rannohu, maaro aannohunna hegere baxille leellishate yee koma amadannokkihu ate gedee Magani nooni?

LUQAASI 19:10

Manchi Beetti bainoha hasaranna gatisara dayino» yiisi.

LUQAASI 23:42

Qoleno Yesuusa, «Mooticha'ya! Gashshootikkinni daatto woyite qaagie» yii.

YOHAANNISI 14:3

Ha're darga qixxeessummo'nehu gedensaanni, ani noommowa heedhinanni gede galagale daye haa'reemmo'ne.

YOHAANNISI 17:24

«Anna'ya, tini gobba kalaqantukkinni baxoottoe daafira, kuri ayirrinye'ya la'ara oottoeri ani noommowa ledo'ya heedhara hasi'reemmo.

LAYINKI QORONTOOSI 5:8

Maalinkewiinni baxxine Mootichinke ledo hee'ra halchineemmo; kunnira hawaqi'ne hee'neemmo.

FILIPHISIYUSI SOKKA 1:23

Lamente hedonni daddawamoommo; ha're Kiristoosi ledo hee'rammora quqquxameemmo; hatti roore woyyitannoe.

IBIRAAWOOTA 7:25

Kunnira insara Magano huuccara hegereha ikke hee'ranno daafira, isi widoonni Maganunniwa daggannore baala horontanni gatisansara dandaanno.

YOHAANNIS AJUUJA 2:7

« ‹Qullaawu Ayyaani beetekiristaannate yaannore macca noohu macciishsho. Qeelinohura Maganu qixxeessino gannatera noota heeshshote haqqicho laalo itara fajjeemmosi› yiino» yite borreessite soyi.