LUQAASI 23:4 - Qullaawa Maxaafa

⁴ Hatte yannara Philaaxoosi qeesootu roorrootiranna mannaho, «Kunni manchi aana mitte saono diafoommo» yii.

LUQAASI 23:4 ပူးပေါင်းရင်းမြစ်များ

MAATEWOOSI 27:19

Hakkunni gedensaanni Philaaxoosi yoote barcimira ofolle hee'reenna galtesi, «Isinni kainohunni ani ankarro haaqeete lowo geeshsha qarramanni galoommana, kunni keeraanchu manchi aana mittoreno assitooti!» yite sokka sokku.

MAARQOOSI 15:14

Philaaxoosi, «Isi assino bunshe maati?» yiinsa. Insa kayinni, «Suti!» yite ledde cancitu.

LUQAASI 23:22

Philaaxoosi sayikkimeeshsho, «Kuni manchi assino bunshe maati? Ani reyote iillishannore aanasi mittoreno diafoommo. Kunnira lichetenni gansiise agureemmo» yiinsa.

YOHAANNISI 18:38

Philaaxoosino, «Halaalu maati?» yee xa'mi. Hattenne giddo hee're Ayihudootunniwa mare, «Kuni manchi assino so'ro ani diafoommo.

SOQQAMAASINETE LOOSO 25:25

Anera kayinni iso reyote iillishanno coyi dileellinoe. «Isino, ‹Coyi'ya jawu Roomu mootewa saoe› yeenna sayisoommo.

SOQQAMAASINETE LOOSO 3:13

Annuwanke Abirihaami, Yisihaaqi, Yaiqoobi Magani, Beettosi Yesuusa ayirrisinosi. Ki'ne kayinni iso Philaaxoosi angara sayissine uyitinoonni; Philaaxoosi agurasira hasi'rita nafa, ki'ne macciishsha gibbinoonni.

IBIRAAWOOTA 7:26

Qullaawu, mishamme nookkihu, fayyaaleessu, cubbaataammuwiinni baxxinohu, aliidi gordira aleenni noohu Qeesootu Qari ninkera malinohu isooti.

UMI PHEEXIROOSI 1:19

Ki'ne wondoonnihu kullannire woy minshannire afi'rinokki ge'rechite gedeetenni ayirrado Kiristoosi mundeenniiti.

UMI PHEEXIROOSI 2:22

Isi mitto cubbono diloosino; afiisinni sao difultino.

UMI PHEEXIROOSI 3:18

Kiristoosino ninke Maganunniwa shiqishara yee, keeraancho ikke hee'renni, keeraanchimma afi'noommokkirira cubbinkenni kainohunni mitte hige qarra adhe reyino. Isi manninatunni ree, ayyaanunni kayinni heeshshonniha ikkino.