LUQAASI 23:2 - Qullaawa Maxaafa

² «Kuni manchi mannanke so'risiisanna anfoommo; Roomu Moote Qeesaarirano giwire baantannikki gede hoolanni no. Qoleno, ‹Ani moote Kiristoosaati› yee coyi'rino» yite bushiishshusi.

LUQAASI 23:2 ပူးပေါင်းရင်းမြစ်များ

UMI MOOTOOLLA 18:17

Akiaabi Eeliyaasi afe, «Israeelete lowo qarra kalaqittohu ati hada kawiicho nootto?» yii.

FAARSO 35:11

Bushuullu beebbatenni bushiishshue; afoommokkirira kaphunni naqqassue.

FAARSO 62:4

Ayirrinyesi moofisate amaalantinanni; kapho coyi'rate hagiidhitinanni; afii'nenni maassidhinanni; wodani'nenni kayinni runtinanni.

ERMIYAASI 20:10

Lowo manni, base baalate waajjillu no yee, hashaashamanna macciishshoommo. Qoleno, «Amme isire gashshaanote kullona!» yitino; jaalla'yaati yoommori nafa, «Isi dongiro dogamannohona, dogamiha ikkiro amande rabbisi'neemmosi» yitanno.

ERMIYAASI 38:4

Hakkunni gedensaanni gashshaano mootenniwa marte, «Kunni coyinni katamaho noo olantora wolqa hunanni no. Katamu giddo noo mannano togo assanni no. Mannaho bao agurranna mittono dancha coye halchannokki daafira, kuni manchi reya hasiissannosi» yitu.

AMOOTSI 7:10

Beeteli kakkalo shiqishannohu Amesiyaasi Israeelete mootera Iyorbiaamira, «Kuneeti Amootsi Israeelete manni giddo hee're atera gano gananni no; isi coyi'ranno coyi gobba hunannoho.

ZAKKAARIYAASI 11:8

Woloota 3 allaalaasine, mittu agani giddo allaala agurtanno gede assoommo. Ge'reewuno giwinoe; anino dihagiidhoommonsa.

MAATEWOOSI 17:27

Kayinnilla insa ninkenni gufidhannokki gede, hadhe baaru giddo woshshaado tugi; umo assite amadatto qulxu'michi afoo fanittoro, giddosi woxe afi'ratto. Hakkonne massite anehanna ateha uyi» yiisi.

MAATEWOOSI 22:21

Insano, «Jawu Roomu Mooteho!» yitu. Yesuusi qole, «Hakkawoyiteetiro, Qeesaariha Qeesaarira, Maganunniha Maganoho uuyye!» yiinsa.

MAATEWOOSI 27:11

Hatte yannara Yesuusi gashshaanchu Philaaxoosi albira shiqi. Philaaxoosino, «Ati Ayihudete mooteeti?» yee xa'misi. Yesuusino, «Ati yiitto gedeeti» yee dawari.

MAARQOOSI 12:17

Yesuusi qole, «Hakka woyiteetiro, Qeesaariha Qeesaarira, Maganunniha Maganoho uuyye!» yiinsa. Insano qolino dawarora lowo geeshsha maala'litu.

MAARQOOSI 15:2

Philaaxoosi, «Ati Ayihudete Mooteetini?» yee xa'misi. Yesuusi qole, «Atinni yootto» yiisi.

LUQAASI 23:14

«Konne mancho, ‹Manna giwanshiishanno› yitine anewa abbitinoonni. Kune alba'neenni xa'me bushiishshinisi coyi giddonni kunni manchi aana mitte saono diafoommo» yiinsa.

LUQAASI 23:5

Insa kayinni, «Kuni manchi Galiilunni kayise Yihudu gobba baalate rosiisanni manna giwanshiishanno» yitanni kaajjishshe bushiishshusi.

YOHAANNISI 18:29

Philaaxoosino insawa shiqqi yee, «Kunni manchi aana ku'litinanni coyi maati?» yee xa'minsa.

YOHAANNISI 18:30

Insano, «Kuni manchi busha assa hoogoommero, atera sayinse diuyineemmo» yite qoltu.

YOHAANNISI 19:12

Philaaxoosino Yesuusi coyi'rinore macciishshe tire agurara hasi'ri. Ayihudootu kayinni, «Konne mancho tirittoro qaru Roomu mootera jaala di"ikkootto. Umosi moote assannohu baalu qaru mootera diinaho!» yitanni cancitu.

SOQQAMAASINETE LOOSO 24:13

Xa ane bushiishansara mitte tajeno shiqishshe diaffanno.

SOQQAMAASINETE LOOSO 24:5

Kuni manchi ninkera dhibba ikkinonke. Gobba baalate noo Ayihudootira qarra kalaqino. Naaziraanote yinanni so'risiisaanora sooreessaho.

ROOMU SOKKA 13:7

Baalunkura aate hasiisannore uuyye. Giwiru hasiisannohura giwire, qaraxo hasiisannohura qaraxo uuyye. Waajja hasiissanno'neha waajje; ayirrisa hasiissanno'neha ayirrisse.