LUQAASI 23:14 - Qullaawa Maxaafa

¹⁴ «Konne mancho, ‹Manna giwanshiishanno› yitine anewa abbitinoonni. Kune alba'neenni xa'me bushiishshinisi coyi giddonni kunni manchi aana mitte saono diafoommo» yiinsa.

LUQAASI 23:14 ပူးပေါင်းရင်းမြစ်များ

DAANIEELI 6:4

Hakkunni gedensaanni ledosirinna wole gashshaano Daanieelinna isi loosanno loosi gashshootunnihu aana xe'o hasse su'ma huntasira heddu. Ikkollana Daanieeli lowo geeshsha qorophannohanna ammanaminoha ikkinohura, mitte so'ro woy sao aanasi affara didandiitino.

MAATEWOOSI 27:19

Hakkunni gedensaanni Philaaxoosi yoote barcimira ofolle hee'reenna galtesi, «Isinni kainohunni ani ankarro haaqeete lowo geeshsha qarramanni galoommana, kunni keeraanchu manchi aana mittoreno assitooti!» yite sokka sokku.

MAATEWOOSI 27:24

Kunnira, Philaaxoosi kuni coyi canco ledannota ikkinnina woyyannori nookkita afe, waa abbisiisi're, «Kunni manchi reyo ane dihassanno. Ki'ne kayinni diagurtanno'ne!» yee mannu albaanni anga hayishshi'ri.

MAATEWOOSI 27:4

«Keeraancho mancho reyote sayise aa'yara sao assoommo» yii. Insa kayinni, «Ninke mayi xiwinke! Umikki hajaati!» yitusi.

MAATEWOOSI 27:54

Olantote roorrichinna isi ledo Yesuusa agarte noori uulla milli yitutanna ikkino coye baala la'e lowo geeshsha waajjite, «Kuni manchi halaalintanni Maganu Beettooti» yitu.

SOQQAMAASINETE LOOSO 13:28

Reyote iillishshanno sao aanasi afa nafa hoogguro, Yesuusa shaanno gede Philaaxoosi huuccidhu.

SOQQAMAASINETE LOOSO 17:11

Beeriyaho noo Ayihudooti Teselonqe noorinni roore wodana hala'ladda ikkitinohura, qaale hagiirrunni adhitu. Kulloonninsa qaali halaale ikkinota buuxidhara yite, barru barrunkunni qullaawa borro seekkite la'u.

IBIRAAWOOTA 7:26

Qullaawu, mishamme nookkihu, fayyaaleessu, cubbaataammuwiinni baxxinohu, aliidi gordira aleenni noohu Qeesootu Qari ninkera malinohu isooti.