LUQAASI 22:52 - Qullaawa Maxaafa

⁵² Hakkunni gedensaanni Yesuusi amaddasira daggurira qeesootu roorrootira, Qullaawa Mine agartanno hajajaanoranna gobbate geerrira, «Mulqi'rannoha amandannihu gede ane amadate bisenna dulla adhitine daggini?

LUQAASI 22:52 ပူးပေါင်းရင်းမြစ်များ

LAYINKI MOOTOOLLA 11:15

Yoodahe Qullaawu Mini qoqqowi giddo reyitannokki gede olu hajajaano woshshe, «Mereerinni fushshitine abbe; hoolara hedannoha affiniro shiiyye» yii.

MAATEWOOSI 26:47

Yesuusi coyi'ranni hee'reenna, tonaa lame rosaanosi ledohu Yihudi kae dayi. Isi ledo bisenna dulla anga adhinohu lowo manni dayi. Insano qeesootu roorrootiwiinninna geerruwiinni sonkeenna dagginoreeti.

MAATEWOOSI 26:55

Hatte yannara Yesuusi hakkiicho gamba yiino mannira, «Mulqi'rannoha amandannihu gede ane amadate bisenna dulla duqqitine daggini? Barra baala Qullaawu Mini giddo rosiisanni ledo'ne hee'rummo geeshsha diamaddinoonnie.

LUQAASI 22:37

Kuleemmo'nena, ‹Bunshe assitannori ledo kiirroonnisi› yine Qullaawu Maxaafi giddo borreessinoonnihu wo'ma hasiissannohura ane daafira borreessinoonniri baalu wo'manno» yiinsa.

LUQAASI 22:4

Kunnira Yihudi qeesootu roorrootiwanna Qullaawu Mini agaraasine hajajjannoriwa mare Yesuusa hiitto asse sayise aannonsaro insa ledo amaalami.

LUQAASI 22:51

Yesuusi kayinni, «Aguri! Togoo coye layinkimeeshsho assitooti!» yii. Manchu maccano amammade hursi.

LUQAASI 22:53

Barru baala Qullaawa Mine rosiisanni ki'ne ledo hee'rummo geeshsha diamaddinoonnie. Xa kayinni tini ki'ne yannaatinna tunsichu gashshaanchi yannaati» yiinsa.

YOHAANNISI 17:12

Ledonsa noommo yannara, oottoehu su'mikki wolqanni keerunni agaroommonsa. Borreessinoonnihu Qullaawu Qaali wo'manno gede, baote beetto agurranna insa giddonni mittuno bainohu dino.

SOQQAMAASINETE LOOSO 5:26

Hakkawoyintenni roorrichu ledosi loossannori ledo mare soqqamaasine haa're abbi. Abbitinonsahu wolqatenni ikkikkinni dogisiissanniiti. Hatto assitinohu, mannu kinnatenni ganannonke yite waajjitino daafiraati.