LUQAASI 22:42 - Qullaawa Maxaafa

⁴² «Anna'ya! Ati baxittoro konne qarru finiincho anewiinni hoolie; kayinnilla, ati baxoottori ikkinnina, ani baxoommori ikkoonke» yii.

LUQAASI 22:42 ပူးပေါင်းရင်းမြစ်များ

FAARSO 40:8

Magano'ya hedokki wonshammora baxoommo; seerikkino wodani'yara no» yoommo.

ISAYAASI 51:17

Gaggassannoha hanqu finiincho, Kaaliiqi anganni adhite cingiishshi'roottati Yerusaalame, Baqqi yii; ka'e uurri!

ISAYAASI 51:22

Ha'lannohehu Magani'ne Mootichu Kaaliiqi, «Dimbino manchi gede gaggassannoha, qarru finiincho angakkinni haa're hooleemmo. Kunni ka'a, hanqi'ya finiincho cingiishshi'ratta gede diasseemmohe.

ERMIYAASI 25:15

Israeelete Magani Kaaliiqi anera, «Hanqi'ya wo'minoha woyinete finiincho anga'yanni haadhe, soyemmohe daga agganno gede assi.

MAATEWOOSI 11:25

Hatte yannara Yesuusi, «Gordunna baattote Mooticha Anna'ya, konne coye hayyooletenna egennaammaho golte qaaqquulleho leellishootto daafira galaxxeemmohe.

MAATEWOOSI 11:26

Ee Anna'ya, konne coye assate hagiidhootto.

MAATEWOOSI 20:22

Yesuusi kayinni, «Huuccidhinannire diegentinoonni. Ani adhate rahe noommo qarra adha dandiitinannini?» yiinsa. Insano, «Ee, dandiineemmo» yitu.

MAATEWOOSI 26:39

Insawiinni alba hige shiqqi yee, uulla uwe, «Anna'ya, dandaamannoha ikkiro, kuni qarri anewiinni saona! Kayinnilla, ate hedo gede ikko ikkinnina ane hedo gede ikkoonke» yii.

MAATEWOOSI 26:42

Galagale Yesuusi layinkimeeshsho xeerti're ha're, «Anna'ya, kuni qarru finiinchi anewiinni sa"annokkiha ikkiro, ate hedo gede ikkona» yaanni huucci'ri.

MAATEWOOSI 26:44

Galagale insa agure ha're alba yee huucci'ri gede yaanni sayikkimeeshsho huucci'ri.

MAATEWOOSI 6:10

Gashshootikki dayo, hedoottori gordoho ikkinonte gede, baattote aanano ikko.

MAARQOOSI 14:36

«Anna, annaanna'ya, ati baalankare dandaatto. Konne qarru finiincho anewiinni hoolie. Kayinnilla, ate hedo gede ikko ikkinnina, ane hedo gede ikkoonke» yii.

LUQAASI 23:34

Hakkunni gedensaanni Yesuusi, «Anna'ya! Diaffe assitanni noona saonsa aguri» yii. Uddanosino hixa tuqqite beeqqitu.

YOHAANNISI 18:11

Yesuusi kayinni, «Bisekki kou giddora qoli. Anni'ya uyinoehunni qarru finiinchinni ageemmokkiha lawinohe?» yii.

YOHAANNISI 4:34

Yesuusi qole, «Ane sagale soyinoehu haja wonshatenna loososi guutate.

YOHAANNISI 5:30

Lede Yesuusi, «Ani umi'yanni mittoreno asse diafeemmo. Isi yaanna macciishshoommore coyi'reemmo. Ani halchoommore ikkikkinni soyinoehu hedinore wonsheemmo daafira, yoo'ya halaalaanchote.

YOHAANNISI 6:38

Ani gordunni dayommohu soyinoehu hedinore wonshammoraati ikkinnina, umi'ya hedo wonshate di"ikkino.

SOQQAMAASINETE LOOSO 21:14

Seejjonke adha giwita, «Maganu yiinohu ikko» yine agurrummo.