LUQAASI 22:32 - Qullaawa Maxaafa

³² Ikkollana ammanakki ba'annokki gede ate daafira huucceemmo. Galagalte daatto woyite roduuwakki kaajjishi!» yii.

LUQAASI 22:32 ပူးပေါင်းရင်းမြစ်များ

MAATEWOOSI 18:3

«Halaale kuleemmo'nena, higa gibbinironna qaaqquullu gedeere ikka hoogginiro, gordu gashshoote horonta die'inanni.

MAATEWOOSI 26:75

Pheexiroosino, « ‹Lukkichu ganikkinni sase higge diegennoommosi› yaattoe» yee Yesuusi coyi'rino coyi qulli yeennasi gobbara fule hururame wi'li.

MAARQOOSI 14:72

Hakkawoyintenni lukkichu layinkimeeshsho gani. Pheexiroosi, «Lukkichu layinkimeeshsho ganikkinni sase higge ‹diegennoommosi› yaattoe» yee Yesuusi coyi'rino qaali qulli yeennasi heqqifate wi'li.

MAARQOOSI 16:7

Xa hadhine rosaanosiranna Pheexiroosira, ‹Yesuusi ki'ne balaxe Galiila sa"annona, alba kulino'ne garinni hakko affinannisi› yitine kullensa» yiinsa.

LUQAASI 8:13

Carete aana uwino wixi masalo, qaale macciishshite hakkawoyintenni hagiidhite adhitannore kulanno. Insa kayinni yannate geeshsha ammantanno; rumushshu noonsakki daafira qarru daanno woyite mulenni gufidhe ubbanno.

YOHAANNISI 14:19

Shiima yanna gedensaanni tini gobba diaffannoe; ki'ne kayinni affinannie. Ani heeshshonniha ikkoommo daafira, ki'neno lubbotenni heedhinanni.

SOQQAMAASINETE LOOSO 3:19

Kunnira, cubbi'ne aguramanno'ne gede aagintaabbine Maganunniwa higge.

ROOMU SOKKA 8:32

Mitto Beettosi mararikkinni sayise uyinonke Magani, Beettisi ledo wole coye baala aa hiikke hoogannonke?

ROOMU SOKKA 8:34

«Ki'nera qorichu malino» yaannohu ayeti? Reyinohu Kiristoosi Yesuusi, saeno reyotenni kainohu, Maganu qiniiteenni ofolle noohu ninke daafira huuccanno.

LAYINKI XIMOOTEWOOSI 2:18

Kuni manni, «Reyotenni ka"a bi'renni ikkite sa'ino» yee moromanni halaaluwiinni fafino. Mitu mitu manni ammanano shashshafanno.

TIITO 1:1

Maganu borojjichonna Yesuusi Kiristoosi soqqamaasincho ikkoommohu, Maganu doodhino manni ammana jawaachishatenna maganittete heeshsho halaale affanno gede assate dooramoommohu ani Phaawuloosi soommo sokka:

IBIRAAWOOTA 12:15

Ki'ne giddonni ayerano Maganu elto xe'annokki gede qorophe! Mereero'ne qaraaranno rumushshi mu're qarrisanno'nekki gedenna lowo mannano batteessannokki gede qorophe.

IBIRAAWOOTA 7:25

Kunnira insara Magano huuccara hegereha ikke hee'ranno daafira, isi widoonni Maganunniwa daggannore baala horontanni gatisansara dandaanno.

UMI PHEEXIROOSI 1:1

Yesuusi Kiristoosi soqqamaasinchi ani Pheexiroosi, Manni gobba manna ikkitine Phanxoosi, Galaatiyaho, Qephedooqiyaho, Issiyahonna Biitaaniyaho billaallitine heedhinannirira,

UMI PHEEXIROOSI 1:13

Kunnira wodana'ne feeffachishshine, jilbunni heedhe. Yesuusi Kiristoosi daanno yannara afidhinanni eltora wo'ma hexxo heedho'ne.

UMI PHEEXIROOSI 1:5

Ki'neno goofimarchu barra xawo fultara noo gato adhitinanni gede, ammanate widoonni Maganu wolqanni agarantinoonni.

LAYINKI PHEEXIROOSI 3:14

Kunnira, jaalla'ya! Kuni baalu ikkanno barra galaalchitinanni heedhiniro, Mootichu saalunna minshanniri nookkire ikkitine keere heedhineenna afi'ranno'ne gede feeffattine heedhe.

UMI YOHAANNISI 2:19

Insa ninke giddonni fultino; ikkollana albano ninkere di"ikkitino. Ninkere ikkitoommero, ninke ledo heedhanno. Kayinnilla, baalunku ninkere ikka hoogansa bande anfanni gede ninkewiinni baxxite fultino.