LUQAASI 22:26 - Qullaawa Maxaafa

²⁶ Ki'ne kayinni insa gede ikka dihasiissanno'ne. Ki'ne giddo jawa ikkara hasi'rannohu, shiimiidiha ikko. Roorre afi'rinohu soqqamaanchu gede ikko.

LUQAASI 22:26 ပူးပေါင်းရင်းမြစ်များ

MAATEWOOSI 20:26

Ki'ne giddo kayinni hattoo coyi dihasiisanno. Wo'munkura aliidiha ikka hasi'rannohu, soqqamaancho'ne ikko.

MAARQOOSI 10:43

Ki'ne giddo kayinni hattoori hee'ra dihasiissanno. Wo'munkunni rooriidiha ikka hasi'rannohu kayinni, soqqamaancho'ne ikko.

MAARQOOSI 9:35

Ofollihu gedensaanni tonaa lamenka isiwa woshshe, «Umiha ikka hasi'rannohu, wo'munkura woriidihanna baalunku soqqamaancho ikko» yiinsa.

LUQAASI 9:48

Rosaanosira, «Konne qaaqqo su'mi'yanni adhannohu aneno adhanno. Ane adhannohu, ane calla ikkummokkinni ane soyinoehano adhanno. Ki'ne giddo wo'munkura woriidihu baalunkura rooriidiha ikkanno» yiinsa.

ROOMU SOKKA 12:2

Maganu hedo dancha, hagiirsiissannotanna guuta ikkitinota affinanni gede, wodani'ne haaroo'mo ikkinnina tenne gobba mannita busha doogo hadhinoonte.

UMI PHEEXIROOSI 5:3

Hoshshate dancha lawishsha ikke ikkinnina, eeggo uyinoonni'nere gadadissine wolqatenni gashshitinoonte.

UMI PHEEXIROOSI 5:5

Ki'ne wedelluno, cimeeyyete hajajamme. Baalunku joongille uddanote gede uddidhine mimmitoho soqqamme. «Maganu boonaleeyye giwanno; jooguulleho kayinni elto aanno» yine borreessinoonni.