LUQAASI 22:19 - Qullaawa Maxaafa

¹⁹ Yesuusi timano haa're, galatu huuccatto asse, hiiqqaqqe, «Hii'e, kuni ki'nera aamaminohu maala'yaati; konne ane qaaggora assidhe!» yiinsa.

LUQAASI 22:19 ပူးပေါင်းရင်းမြစ်များ

FAARSO 111:4

Kaaliiqi shaqqadonna maarannoha ikkinohura, dhaggenniha loososi wo'manka woyite qaanganni gede assino.

FAARSO ROORE FAARSO 1:4

Anga'ya amadde goshooshie; mitteenni dondo! Moote'ya holgikkira eessie; hakko mitteenni hagiidhineemmo. Baxillekki woyinete xajjenni roore naandeemmo; kunnira, seennu baalu lowo geeshsha baxannohe.

HIZIQEELI 37:11

Kaaliiqi, «Koo manchi beetto, Israeelete manni tenne miqqa gedeehowe. Insa, ‹Kune miqqanke mooltino; kunni ka'ira noonke kaayyo ba'eenna hexxo nookkire ikkinoommo› yitanno.

HIZIQEELI 5:5

Mootichu Kaaliiqi, «Kuneeti Yerusaalame lai! Gaangaawisera noo gobba baalate mereerima ikkitanno gede assoommose.

DAANIEELI 2:38

Baatto baala gashshattoha assinohe; mannaho, saadatenna ceate aana roorre uyinohe. Culku umino ateeti.

MAATEWOOSI 14:19

Hakkunni gedensaanni manna hayissote aana ofollanno gede hajaji. Ontenka timanna lamenka qulxu'me haa're gordo hige lae galatu huuccatto asse, timma hiiqqaqqe rosaanosira uyi; insano mannaho beekku.

MAATEWOOSI 15:36

Lamalanka timanna qulxu'me haa're, galatu huuccatto assi. Hiiqqaqqe rosaanosira uyi; insano mannaho iillishshu.

LUQAASI 22:17

Hakkunni gedensaanni Yesuusi finiinchono haa're, galatu huuccatto asse kaihu gedensaanni, «Hii'e, konne beeqqe!

LUQAASI 22:20

Hurbaatu gedensaanni finiinchono kayise, «Kuni finiinchi ki'ne daafira du'nantanno mundee'yahu haaro gondoorooti.

LUQAASI 24:30

Insa ledo sagale itara ofolli; tima haa're galatu huuccatto assihu gedensaanni hiiqqaqqe uyinsa.

YOHAANNISI 6:23

Ikkirono, wole yowolla Xibiriyadoosi Kataminni ka'e Yesuusi Magano galate mannaho timma beehiwa martu.

YOHAANNISI 6:51

Gordunni dirroommohu heeshshote sagale aneeti. Tenne sagale itannohu baalu hegere geeshsha hee'ranno. Mannaho heeshsho ikkanno gede ani eemmo sagale maala'yaati» yii.

UMI QORONTOOSI 10:16

Magano galante ka'ne huumbeemmohu maassote finiinchi, Kiristoosi mundee ledo mittimma afi'rinoho. Inteemmo sagaleno Kiristoosi maali ledo mittimma afidhinote.

UMI QORONTOOSI 10:4

Baalunku hakkonne ayyaanaamo ago aggino. Agginohuno hakkunni dukkisannonsahu ayyaanaamu kinchinni fulino agooti. Hakku kinchino Kiristoosaati.

GALATIYU SOKKA 1:4

Maganu Anninke hedino garinni, tenne busha yannara gatisankera ninke cubbira yee umosi reyote sayise uyino.

GALATIYU SOKKA 4:25

Aggaara oosose ledo borojjimmate giddo noo daafira, Arabete gobbara noohu Siina Ilaali lawishshaati. Qolteno xa noo Yerusaalame labbanno.

EFESOONI SOKKA 5:2

Kiristoosi baxinonkenna Maganoho tanni yite su'niitanno kakkalo asse umosi ninke daafira sayise uyinonte gede, ki'neno baxillunni heedhe.

UMI TESELONQE 5:18

Baalunku coyira galaxxe! Yesuusi Kiristoosinni afidhinoonni heeshshonni Maganu ki'newiinni hasi'ranno coyi konneeti.

TIITO 2:14

Kiristoosi bunshe baalatewiinni gatisankeranna dancha looso loosate diinaggaamboommorenna Isira baxxinoommore fayyaaleeyye manna ikkineemmo gede keereensankera isonoo sayise uyinonke.

UMI PHEEXIROOSI 2:24

Cubbuwiinni baxxine keeraanchimmatenni hee'nammora, cubbonke manninatisinni masiqalu aana duqqino; isi madanni ki'ne hurtinoonni.