LUQAASI 21:37 - Qullaawa Maxaafa

³⁷ Yesuusi barru baala Qullaawa Mine rosiisanni no. Hashshanno woyite kayinni, fule Ejedhete Ilaali aana galanno.

LUQAASI 21:37 ပူးပေါင်းရင်းမြစ်များ

ZAKKAARIYAASI 14:4

Hatte yannara, isi Yerusaalamete soojjaatoonni noohura Ejedhete Ilaali aana uurranno; hala'ladu lagichi Ejedhete Ilaala soojjaatinni galchimira hige ha're lamewa badanno; kunnira, daratu ilaali aliyyera, daratu ilaali qole wodiidira hige gatanno.

MAATEWOOSI 21:1

Yesuusinna rosaanosi Yerusaalame iilla rakke, Beetefaagenna Biitaaniyu widoonni higge Ejedhete Ilaaliwa martuta, Yesuusi rosaanosi giddonni lame,

MAATEWOOSI 21:17

Insa agure katamunni fule Biitaaniya ha're hakko gali.

MAATEWOOSI 26:30

Hakkunni gedensaanni, galatu faarso faarsite ka'e Ejedhete Ilaala gooddidhu.

MAATEWOOSI 26:55

Hatte yannara Yesuusi hakkiicho gamba yiino mannira, «Mulqi'rannoha amandannihu gede ane amadate bisenna dulla duqqitine daggini? Barra baala Qullaawu Mini giddo rosiisanni ledo'ne hee'rummo geeshsha diamaddinoonnie.

MAARQOOSI 11:12

Yesuusi layinki barra Biitaaniyunni higanni hee're hudi'ri.

MAARQOOSI 11:19

Yesuusinna rosaanosi hawarro hawarro Yerusaalamete gobbaanni fultanno.

MAARQOOSI 14:49

Barra baala Qullaawa Mine rosiisanni hee'rummo geeshsha, diamaddinoonnie. Kuni ikkinohu kayinni, Qullaawa Borro yitinohu wo'manno gedeeti» yii.

LUQAASI 19:29

Yesuusi, Ejedhete Ilaali mule nooriwa Beetefaagenna Biitaaniya iilla rahiti, rosaano giddonni lame,

LUQAASI 19:37

Yerusaalame iilla rahe, Ejedhete Ilaali eelallitte dirranni hee'reenna, hoodesi ha'ranni noo manni laino maalalenni hagiidhe lowo qoonqonni Magano galati.

LUQAASI 19:47

Yesuusi barru baala Qullaawa Mine rosiisi. Qeesootu roorrooti, Seeru rosiisaanonna gashshaano shitasira hasidhe no.

LUQAASI 22:39

Yesuusi katamunni fule rosisi gede Ejedhete Ilaala kae ha'ri. Rosaanosino ledosi hadhu.

YOHAANNISI 12:1

Ayihudennihu Agure Sa"ate Ayyaani eara leyu barri gate hee'reenna, Yesuusi Biitaaniya ha'ri. Biitaaniyu, Yesuusi reyotenni kayisi manchi Aliaazaari hee'ranno qachaati.

YOHAANNISI 18:2

Yesuusinna rosaanosi wo'ma woyite hakko xaaddanno daafira, Yesuusa sayise uyihu Yihudino hakkonne darga egennino.

SOQQAMAASINETE LOOSO 1:12

Hakkunni gedensaanni Ejedhete Ilaalinni dirrite Yerusaalame higgu. Ejedhete Ilaali Yerusaalametenni mitte kiilo metire ha'risanno.