LUQAASI 21:36 - Qullaawa Maxaafa

³⁶ Kunnira, daannohu bushu coyi baaluwiinni gatate wolqa afidhinanni gedenna Manchi Beetti albaanni uurra dandiitinanni gede wo'manka woyite jaattine huuccidhe» yii.

LUQAASI 21:36 ပူးပေါင်းရင်းမြစ်များ

IYYOOBI 27:10

Wo'manka Dandaanno Maganinni tashshi yaannosini? Wo'manka woyite Magano huucci'rannoni?

FAARSO 1:5

Kunnira, bushuullu Maganu yoo barra, albasiinni uurrite diaffanno; cubbaataammuno keeraanote songo giddo diheedhanno.

ERMIYAASI 35:19

Kunnira, Israeelete Magani Olantote Mootichi Kaaliiqi anera soqqamannohu, Rekaabi beetti Iyonaadaabi sirchi giddonni hegere geeshsha dihooganno› yiino» yee kuloommonsa.

MILKIYAASI 3:2

Isi imaana seekke fushshanno saamuninna siwiila daashshinanni giira gedee wolqaataamooti. Isi leellanno yannara albasiinni jawaate uurra dandaannohu ayeti? Daanno barra ittisasira dandaannohu ayeti?

MAATEWOOSI 24:42

Kunnira, Mootichu ma barra daannoro affinoonnikki daafira, feeffattine agadhe.

MAATEWOOSI 24:43

Konne coye kayinni wodana asse; minu anni mooraanchu hashsha daanno yanna bade afoommero, baqqi yee agadhanno. Minisi umamarano wore diaguranno.

MAATEWOOSI 24:44

Manchi Beettino heddinoonnikki saatera daanno daafira qixxaabbine heedhe» yiinsa.

MAATEWOOSI 25:13

«Kunnira, barranna saate diaffinoonnina jaattine agadhe!» yiinsa.

MAATEWOOSI 26:41

Jifamate giddora e'inannikki gede jaattine huuccidhe! Ayyaanu qixxaawaho; maalu kayinni daafuraamoho» yii.

MAATEWOOSI 8:20

Yesuusi qole, «Yeedaallate bale noonsa; buubbanno cearano minu noonsa. Manchi Beettira kayinni umo worannowi nafa dinosi» yee qolisi.

MAARQOOSI 13:33

Yanna mamooteetiro diaffinoonnina feeffattine agadhe.

MAARQOOSI 13:37

Ki'ne yeemmonte gede, wole baalanka, ‹Jaatte!› yeemmo» yiinsa.

LUQAASI 1:19

Sokkaasinchuno, «Ani Maganu albaanni uurreemmohu Gebirieeliiti. Konne dancha duduwo kulammohera Maganuwiinni soqqame dayommo.

LUQAASI 18:1

Hakkunni gedensaanni, Yesuusi wo'manka woyite jawaatte huuccidhanno gede rosaanosira lawishsha kulanni,

LUQAASI 20:35

Dagganno alamera hee'ranna reyotenni ka"a maltinonsari diadhitanno; diadhantanno.

LUQAASI 21:35

Hakku barri, baattote aana noo manna baala hedeweelcho woshshaade amadanno.

SOQQAMAASINETE LOOSO 10:2

Isi minisi manni ledo Magano magansi'rannohonna Magano waajjannoho. Buxaneteno lowo woxe aanno. Wo'manka woyite Magano huucci'ranno.

UMI QORONTOOSI 16:13

Baqqi yitinoonnire ikke; ammanatenni uurre; jawaatte; kaajje.

LAYINKI QORONTOOSI 4:14

Mooticha Yesuusa reyotenni kayisino Magani ninkeno Yesuusi ledo kayise ki'ne ledo albisira shiqishannonketa egenninoommo.

QOLASIYAASI SOKKA 4:2

Magano wo'manka woyite galaxxitinanni, jaattine huuccidhe!

UMI TESELONQE 5:17

Agurtinikkinni huuccidhe!

LAYINKI XIMOOTEWOOSI 4:5

Ati kayinni baalunku coyinni atenee seekkite agadhi. Cincite qarra adhi; Dancha Duduwo kula loosokki assi'ri; soqqanshokki baala wonshi.

UMI PHEEXIROOSI 4:7

Xaate baalunku coyira goofimarchu iillino; jaattine huuccidhinanni gede geino wodani hee'ro'ne; jilbunni heedhe.

UMI PHEEXIROOSI 5:8

Jilbunni heedhe; balala gede ikkitinoonte! Diini'ne Daawuloosi egemmannoha hasi'ranni ittananno doobbichi gede qooxeessi'nera doyanni no.

UMI YOHAANNISI 2:28

Ooso! Xaate kunni ka'a isi daanno yannara komo yinummokkinni albisira addaxxine shinqeemmo gede, isinni heedhe.

YIHUDA 1:24

Ubbinannikki gede agara'nera, minshanniri nookkire asse hagiirrunni ayirrinyisi albaanni uurrisa'nera dandaannohura,

YOHAANNIS AJUUJA 11:4

Insa, lame baattote Mootichi albaanni uurritanno ejedheetinna lame caabbicho worranni uduunneeti.

YOHAANNIS AJUUJA 6:17

Rooriidihu hanqinsa barri dayinona, gate afannohu nooni?» yitu.

YOHAANNIS AJUUJA 7:9

Hakkunni gedensaanni kuneeti ayino kiire dandaannokkiha lowo manna afummo. Kuni manni gosa baalatenni, ga're baalatenni, fiixu fiixunkunninna addi addi afoo coyi'ranno manni giddonni gamba yiinoho. Insa waajjo uddano uddidhe, saattu daro anga amadde ayirradu barcimiranna Ge'rechu albaanni uurrite,

YOHAANNIS AJUUJA 8:2

Maganu albaanni uurritannore lamala sokkaasine afummo; insara lamala xurumba uyininsa.