LUQAASI 21:15 - Qullaawa Maxaafa

¹⁵ Ani, baarigaarra'ne garta'nera dandiitannokki hayyonna egenno eemmo'nena.

LUQAASI 21:15 ပူးပေါင်းရင်းမြစ်များ

LAWISHSHA 2:6

Egenno aannohu Kaaliiqaati; egennonna buuxa daggannohu isiwiinniiti.

ERMIYAASI 1:9

Hakkunni gedensaanni Kaaliiqi angasi diriirse suume'ya kise, «Kuneeti coyi'ratto qaale oommohe.

HIZIQEELI 29:21

«Kuni ikkanno yannara, Israeelete manna jawaachisheemmo. Hiziqeeli atino, mannu macciishsha dandaanno darga baalaho, qoonqokki naggi assite coyi'ratto gede asseemmohe. Kunni garinni mannu, ani Kaaliiqa ikkoommota afanno» yee coyi'rie.

LUQAASI 12:12

Yitinannire hatte yannara Qullaawu Ayyaani kulanno'ne» yii.

LUQAASI 21:16

Iltino'neri, roduuwi'ne, fiixi'nenna jaalla'ne ki'ne giddonni gama shitanno.

LUQAASI 24:45

Hakkunni gedensaanni Qullaawa Borro wodanchitanno gede wodanansa fane,

SOQQAMAASINETE LOOSO 2:4

Baalunkura Qullaawu Ayyaani wo'minsa; Qullaawu Ayyaani uyinonsa jawaante garinni addi addi qaalinni coyidhu.

SOQQAMAASINETE LOOSO 24:25

Phaawuloosi keeraanchimmannire, umo qee'linannirenna dagganno yoore kulanna macciishshe waajji. Kunnira, «Xa ikkinona ha'ri; injiiero wole woyite woshsheemmohe» yii.

SOQQAMAASINETE LOOSO 26:28

Agiriphano Phaawuloosi, «Ati tenne shiima yanna giddo ammanaasincho assattoeraatinso?» yii.

SOQQAMAASINETE LOOSO 6:10

Isxifaanoosi coyi'ranni noo hayyo uyinosi Ayyaana gibburono iso kayinni ittisa didandiitino.

EFESOONI SOKKA 6:19

Qoleno Danchu Duduwiha go'lino coye ruxxi yuummokkinni coyi'rate, hasiisino qaale aannoe gede anerano huucce"e.

YAIQOOBI 1:5

Ki'ne giddo egenno xe'inosihu hee'riro, Magano huucci'ro; Maganuno aannosi. Isi ayeno mishikkinni baalunkura elate shooshaqa Maganooti.