LUQAASI 21:1 - Qullaawa Maxaafa

¹ Yesuusi caaqqi yaanno woyite, gamba assinanni ogori giddo dureeyye fushshaate wortanna afi.

LUQAASI 21:1 ပူးပေါင်းရင်းမြစ်များ

UMI MOOTOOLLA 14:26

Qullaawa Minenna mootete mine noo jajja baala, Selemooni culkunni seekkisiisino wonquwa nafa gattukkinni baalankare adhe ha'ri.

LAYINKI MOOTOOLLA 12:9

Hakkunni gedensaanni qeesichu Yoodahe mitte saaxine haa're iimaanni xullo fushshe, masse Qullaawu Minira e'nannihura qiniiteenni kakkalote dargi mule wori. Waalcho agarte noo qeesooti Qullaawu Minira daanno manni aanno woxe wo'manka haadhe saaxinete giddo wortanno gede assi.

LAYINKI MOOTOOLLA 24:13

Qullaawa Minenna mootete mine noo jajja baala co'o asse Baabilooni adhe ha'ri. Alba asse Kaaliiqi coyi'rinonte gede, moote Selemooni Qullaawu Minira seekkisiisinoha culku uduunne baala hiiqqaqqi.

LAYINKI DUDUWO 36:18

Baabilooni moote Nabukadanatsoori Qullaawu Miniha, mootennihanna ledosi gashshaanoha uduunnu mine soqe noore gudise gobbasi adhe ha'ri.

NEHIMIYA 13:13

Uduunnu minira qeesicha Shelemiya, seeru rosiisaancho Saadooqinna Leewaawicha Pedaya woroommo. Maataaniya beetti beetti Zakuuri ilinohu Hanaani kaa'laanchonsaati. Insano loosu miillansara hasiisannore beehate ammanantinoreeti.

MAATEWOOSI 27:6

Qeesootu roorrooti sajjoonka kinchu birra haadhe, «Kuni mundeete woxe ikkino daafira Qullaawu Mini fushshaati ledo karsa digaraho» yitu.

LUQAASI 20:47

Leellantara yite seeda huuccatto assitanni, gunnootu mine mulqitanno. Kunnira, insa rooru qorichi agarannonsa» yii.

YOHAANNISI 8:20

Yesuusi konne coye coyi'rinohu Qullaawa Mine woxe tunganni ogori mule rosiisanni hee'reeti. Yannasi iillitinokki daafira, mittuno angatenni dikisinosi.

IYYAASU 6:19

Birrunni, culkunni, camotenni woy siwiilunni seekkinoonniri baalu, Kaaliiqira qullaawa ikko. Kurino Kaaliiqi uduunni hee'ranno mine hee'rona» yee hajaji.

IYYAASU 6:24

Hakkunni gedensaanni, katama co'o assite giirte guddu. Massite Kaaliiqi uduunni hee'ranno mine wortinoha culkunni, birrunni, camotenninna siwiilunni seekkinoonni uduunne agurranna, katamaho noori baalunku goofi.