LUQAASI 20:47 - Qullaawa Maxaafa

⁴⁷ Leellantara yite seeda huuccatto assitanni, gunnootu mine mulqitanno. Kunnira, insa rooru qorichi agarannonsa» yii.

LUQAASI 20:47 ပူးပေါင်းရင်းမြစ်များ

ISAYAASI 10:2

Buxanete halaale beeshshitinannirira, galte shii'rinorenna amanna anna afidhinokkire tootayyeessitinannirira aanne'e!

HIZIQEELI 22:7

Giddokki annunna ama shollitino; manni gobba manna xagartinanni; galte afi'rinokki meentonna buxo tootayyeessitinanni.

HIZIQEELI 33:31

Kunnira, manni'ya ati coyi'rattore macciishsharalla gamba yaanno; kayinnilla, kulattonsare baala diwonshanno. Kulatto qaale goowi alita naaddanno; wodaninsara kayinni hafuurre wo'mitino.

AMOOTSI 2:7

Wolqa afidhinokkirenna kaa'lannohu nookkire bukote aana tugge umonsa kakkaddanno. Gadadaamma xiibbe doogote aaninni fushshitanno. Annunna beettu mitte soqqamaancho ledo foortanno. Kunni loosinsanni qullaawa su'ma'ya batteessitanno.

MIKIYAASI 2:2

Hasidhuro manni baatto wolqatenni loosidhanno. Mine hasidhuro manniha giddetenni adhitanno. Manna fugge beeshshite jajjansa adhitanno.

MIKIYAASI 2:8

Kaaliiqi kayinni, «Manni'ya aana diina ikkitine ka'inoonni; horontanni olu dino yee giddo'neenni hige sa"anni nooha afibbeelo manna mulqidhinoonni.

MIKIYAASI 3:2

Ki'ne kayinni dancha coye gibbine busha coye baxxinoonni. Manna'ya uurro gogansa dultine maalansa miqichinsawiinni baddinoonni.

MAATEWOOSI 23:13

Qoleno, «Mannu Gordu Gashshoote eannokki gede waalcho cuffinanniri lawisiisaano, Seeru rosiisaanonna Farisootu, ki'nera aanne'e! Ki'ne die'inanni; ea hasidhannoreno e'annokki gede assitinanni.

MAATEWOOSI 23:14

[«Mannu la"a'nera yitine huuccatto seedissinanni gunnootu mine mulqitinanni; ki'ne lawisiisaano, Seeru rosiisaanonna Farisootu, ki'nera aanne'e! Kunni daafira ki'nera busha yoo yinanni'ne.].

MAARQOOSI 12:40

Gunnootu mine mulqitanno; mannaho leellantara yite, huuccatto seedissanno. Kunni daafira insara roore qoricha uyinanni» yii.

LUQAASI 12:1

Kumunni kiirranni manni gamba yee mimmito cifanni hee'reenna Yesuusi balaxe rosaanosira, «Farisootu gamaancho agadhe!» yiinsa. (Hatto yaa insanaa ale tuqqitannore agadhe yaate.)

LUQAASI 20:46

«Seeda uddano uddidhe ka'anna kawa ha'rama, dikkote keere haa'nansara, xaadu mineno woyyaawino barcimira ofollanna jilu mineno ayirrado darga ofolla baxxannore Seeru rosiisaano agadhe.

LUQAASI 21:1

Yesuusi caaqqi yaanno woyite, gamba assinanni ogori giddo dureeyye fushshaate wortanna afi.

UMI TESELONQE 2:5

Mitte hingeno afuunni donge woy woxe hasi'ne coyi'noommokkita ki'nenni affinoonni. Maganuno naqaashshenkeeti.

TIITO 1:16

«Magano egenninoommo» yitanno. Loosinsanni kayinni isira badhe wodhitinoreeti. Insa giwissannoreeti; hajajantannokkireetinna mittono dancha coye assa dandiitannokkireeti.

YAIQOOBI 3:1

Roduuwa'ya! Ninke rosiisaano ikkinoommorira roore yoo agartannonketa affinoonnina, ki'ne giddonni lowo manni rosiisaano ikkoonke.