LUQAASI 20:36 - Qullaawa Maxaafa

³⁶ Sokkaasinete gedeere ikkitanno daafira direyitanno; reyotenni ka'ino daafirano Maganu oosooti.

LUQAASI 20:36 ပူးပေါင်းရင်းမြစ်များ

ISAYAASI 25:8

Mootichu Kaaliiqi reyo co'o asse hunanno; mannu baalunku albinni hindiiddo feyanno; mannisi kalqe baalate adhino shollinye aaninsanni hoolanno. Konne coyi'rinohu Kaaliiqaati.

HOOSEI 13:14

Kunni ka'a tenne gosa jeennaate dirratannokki gede assate dihasi'reemmo. Reyotewiinnino diwodeemmonsa. Kunnira reyo, qoomamakki haadhe abbi! Jeennaate, baokki haadhe amo! Kunni ka'a konne manna horonta dimarareemmo.

ZAKKAARIYAASI 3:7

«Olantote Mootichi Kaaliiqi, ‹Doogo'ya aana ha'rittoronna looso'ya baala guutittoro, qullaawa mine'yanna gudumaali'yara mookke hee'ratto; alba'yaanni uurrite noo sokkaasine huuccatto macciishsheemmonte gede, ate huuccattono macciishsheemmo.

MAATEWOOSI 22:30

Reyitinori ka'anno waro, mannu gordoho sokkaasinete gedeeha ikkanno ikkinnina diadhanno; diadhamanno.

MAARQOOSI 12:25

Reyitinori ka'anno waro, gordu sokkaasine gede ikkitanno ikkinnina, diadhitanno; diadhantanno.

ROOMU SOKKA 8:16

Maganu Ayyaani ninke ayyaani ledo Maganu ooso ikkanke farci'ranno.

UMI QORONTOOSI 15:26

Goofimarchoho ba"anno diini reyote.

UMI QORONTOOSI 15:42

Reyotenni ka"anno mannitino tenne labbanno. Winxi bisi ba"annoho; reyotenni ka"annohu hee'rannoho.

UMI QORONTOOSI 15:49

Baattote manchi dana uddi'nummonte gede, gordunnihu danano uddi'neemmo.

FILIPHISIYUSI SOKKA 3:21

Isi tenne reyitanno mannimmanke soorre, isita ayirrado mannimma labbanno gede assanno. Hatto assannohuno, wo'manka roorresinni gashshate noosi wolqanniiti.

YOHAANNIS AJUUJA 20:6

Umi kaora beeqqaasine ikkitannori ba'raadhinoreetinna qullaawootaho; layinki reyo insa aana wolqa diafidhino. Insa Maganunna Kiristoosi qeesoota ikkitanno; isi ledono kume diro mookkanno.

YOHAANNIS AJUUJA 21:4

Hindiiddo baala illensanni feyanno; albi ikkito sa'ino daafira, reyo woy dadillu woy wi'la woy shetto kunni ka'a diheedhanno» yitannoti lowo huuro fultanna macciishshummo.

YOHAANNIS AJUUJA 22:9

Sokkaanchu kayinni, «Qorophi! Togo ikkitooti! Anino atenna himanaano roduuwikki ledo, kunni maxaafi giddo noo qaale agadhitannori ledo soqqamaanchohona, Maganoho kumbuuli!» yiie.