LUQAASI 2:4 - Qullaawa Maxaafa

⁴ Yooseefi ilama Daawiti sircho ikkino daafira, Galiilunni Naaziretete kataminni kae, Yihudu gobbara nooha Daawiti katama Beeteliheme ha'ri.

LUQAASI 2:4 ပူးပေါင်းရင်းမြစ်များ

KALAQAMA 35:19

Raaheeli reyiteenna, Efiraata massitanno doogo qaccera xa Beeteliheme yinanni katamira madaarrise.

KALAQAMA 48:7

Mesiphexoomiyunni dayummo waro, Efiraata eate shiimuri gate hee'reennae, Raaheeli Kana"aani gobbara reyiteenna, hakkiicho Efiraataho doogote gama madaaroommose» yii. Eferaatu techo Beetelihemete yinanniwaati.

MIKIYAASI 5:2

Maganu, «Ati Efiraata baattora hee'rattati Beeteliheme! Ayee geeshshano Yihudu katammanni maa'ne ikkittarono, hundunni kayise hegerera ikkannohu Israeelete gashshaanchi atewiinni fulanno» yaanno.

MAATEWOOSI 1:20

Konne coye wodanaho wodhe hee'reenna, Mootichu sokkaasinchi haaqeete leelle, «Daawiti Beetto Yooseefi, ati huucci'roottoti Maariyaami godobbinohu Qullaawu Ayyaaninniitina ise adha waajjitooti.

MAATEWOOSI 2:23

Iso, «Naaziretichaho yinanni» yine himannoonni himani wo'manno gede mare Naaziretete Katamira hee'ri.

LUQAASI 2:3

Mittu mittunku kiiramara ilamino gobba ha'ri.

LUQAASI 2:5

Kiiramara ha'ri woyite, huucci'rinota Maariyaami ledo adhe ha'rino. Hatte yannara ise godowinni no.

LUQAASI 4:16

Hakkunni gedensaanni Yesuusi lophino gobba Naazirete ha'ri. Hakkiichono albinte gede Ayihudete Fooliishsho Barra xaadu minira e"e, nabbawara kai.

YOHAANNISI 1:46

Naatinaeeli kayinni, «Naaziretetenni danchu coyi fulannoni?» yii. Filiphoosino, «Amo dagge lai!» yiisi.

YOHAANNISI 7:42

Kiristoosi Daawiti sirchi giddo ilamannotanna Beetelihemetenni Daawiti kataminni fulannota Qullaawu Maxaafi dikulanno?» yitu.

RUUTI 1:19

Kunnira, lamenti mitteenni Beeteliheme ha'ri. Beeteliheme iilli woyite katamu manni baalunku maala'li. Hakkiicho noo meentino dhaggeeffatanni, «Halaalinta tini Naoomiinti?» yii.

RUUTI 2:4

Shiima yanna gedensaanni Boeezi umisi Beetelihemetenni kae gatisira dayi. Middanni nooreno, «Keerunni hossini! Maganu maassi'ro'ne!» yiinsa. Insano, «Maganu ateno maassi'rohe!» yitusi.

RUUTI 4:11

Songote darga ofolle noo geerrinna wolu manni, «Ee, ninke kunni coyira naqaashshete. Kaaliiqi tenne galtekki Yaiqoobira lowo ooso ilinori Raaheelinna Liya gedeeta assohe. Kaaliiqi Efiraataho duroonsohe; Beetelihemete maccaha assohe.

RUUTI 4:17

Olluu meenti qole, «Naoomira labbaa beetti ilaminose!» yaanni qaaqqoho, «Iyoobeedi» yee su'ma fushshisi. Moote Daawiti anna Isseyi ilinohu Iyoobeedi isooti.

UMI SAAMUEELI 16:1

Kaaliiqi Saamueeli, «Israeelete moohe hee'rannokki gede giwoommohura Saaoolira mamooti geeshsha wi'latto? Zayite buudaho wonshite Beeteliheme Isseyiwa mari; oososi giddonni mitto moote ikkanno gede layi'roommo» yiisi.

UMI SAAMUEELI 16:4

Saamueelino Kaaliiqi yiino gede assi. Beeteliheme iillanni hee'reennanni katamu geerri waajjite qece yitanni haadhasira shiqqu. Insano, «Maaho, keerunkunni dayitto?» yite xa'mitusi.

UMI SAAMUEELI 17:12

Daawiti Yihudaho Beetelihemete hee'rannohu Efiraatichu Isseyi ilinoho. Isseyira 8 labballi ooso noosi. Saaooli moohi yannara Isseyi diro xiiwino manchooti.

UMI SAAMUEELI 17:58

Saaoolino, «Koo beetto ati ayeho?» yee xa'misi. Daawitino, «Ani Beetelihemete manchi soqqamaanchikki Isseyi beettooti» yee dawari.

UMI SAAMUEELI 20:6

Annikki lae hooge xa'miero, ‹Mininsa manni baalunku daafira diru kakkalo shiqinshanni barra ikkinohura, rahe ilamino katama Beeteliheme ha'rate duu're xa'mi'rino› yite kulisi.