LUQAASI 2:11 - Qullaawa Maxaafa

¹¹ Kuneeti, techo Daawiti katamira Gatisaanchu ilamino'ne. Isi Mooticha Kiristoosaati.

LUQAASI 2:11 ပူးပေါင်းရင်းမြစ်များ

KALAQAMA 3:15

atenna manchote mereero, sirchikkinna sirchise mereero diinoomu hee'ranno gede asseemmo; isi umokki cancananno; atino gindesi qasatto» yii.

KALAQAMA 49:10

Yihuda, mootimmate siqqicho angakkinni difultanno; mootimmate bakali lekkakki qarrira no. Kuni ikkannohuno, gashshate malinohu daa geeshshaatinna, mannu baalu hajajamasi geeshshaati.

FAARSO 2:2

Tenne baatto mootoolla ka'e, roorrootuno Kaaliiqanna Buuramino Moote, assitanno gara ma'litanni,

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

MAATEWOOSI 1:16

Yaiqoobi Yooseefi ilino; Yooseefi Yesuusi Kiristoosa iltu Maariyaamira minaannaati.

MAATEWOOSI 1:21

Ise labbaa beetto iltanno; isi mannasi cubbunni gatisanno daafira su'masi Yesuusa yite fushshatto» yiisi.

MAATEWOOSI 16:16

Hatte yannara Simiooni Pheexiroosi qole, «Ati Heeshshote Magani Beetto Kiristoosaati» yii.

MAATEWOOSI 16:20

Hakkunni gedensaanni Yesuusi rosaanosi Isi Kiristoosa ikkinota ayerano kultannokki gede hajajinsa.

LUQAASI 1:43

Mootichi'ya ama ane keere haadhara daase, anera mageeshshi ayirrinyeeti!

LUQAASI 1:69

Borojjichisi Daawiti sirchinni wolqaataamo Gatisaancho kayisinonke.

LUQAASI 2:26

Isi Mootichunniha Buuramino Moote afikkinni reyannokkita Qullaawu Ayyaani kulinosi.

LUQAASI 2:4

Yooseefi ilama Daawiti sircho ikkino daafira, Galiilunni Naaziretete kataminni kae, Yihudu gobbara nooha Daawiti katama Beeteliheme ha'ri.

YOHAANNISI 1:41

Indiriyaasi alba ikke rodiisiwa Simiooni Pheexiroosiwa mare, «Kiristoosa anfummowe» yii.

YOHAANNISI 1:45

Filiphoosi Naatinaeeli afe, «Muse Seerunnihura, himanaanono himanu maxaaffara isi daafira borreessituhawe anfummo. Isi Yooseefi beetti, Naaziretete Yesuusaati» yii.

YOHAANNISI 11:27

Iseno, «Ee Mooticha'ya ammaneemma; ati tenne gobba daanno yiniha Kiristoosa Maganu Beetto ikkoottota ammanoomma» yitusi.

YOHAANNISI 20:31

Ikkirono, Yesuusi Kiristoosi Maganu Beetto ikkinota ammantinanni gedenna ammantine isi su'minni hegere heeshsho afidhinanni gede konne borreessinoonni.

YOHAANNISI 4:25

Manchono, «Kiristoosa yinannihu buuraminohu daannota afoomma; isi dayiro, duuchankare kulannonke» yitu.

YOHAANNISI 4:42

Manchoteno, «Xa ninke iso amma'ninoommohu, ati kuloottankehura ikkikkinni, ninke uminke macciishshinoommo daafiranna isi addinta alamete gatisaancho ikkinota buunxoommo daafiraati» yitu.

YOHAANNISI 6:69

Ninkeno ati Qullaawu Magani Beetto ikkoottota anfoommo; ammannoommo» yii.

YOHAANNISI 7:41

Gamu kayinni, «Kuni Kiristoosaati» yii. Wolootu qolte, «Kiristoosi fulannohu Galiilunniitini?

SOQQAMAASINETE LOOSO 10:36

Maganu soyino qaali, baalunku Mooticha ikkinohu Yesuusi Kiristoosi widoonni hige keerunnihu Danchu Duduwi kulamanna Israeelete mannira iillanno gede sonkoonniha ikkinota egentinoonni.

SOQQAMAASINETE LOOSO 13:23

Kunni manchi sirchinni Maganu uyino hexxo garinni Israeelete Gatisaancho Yesuusa abbino.

SOQQAMAASINETE LOOSO 17:3

Kiristoosi qarramanna reyotennino ka"a agartinosita seekke kulanni, «Kuni kuleemmo'ne Yesuusi Kiristoosaati» yee coyi'ri.

SOQQAMAASINETE LOOSO 2:36

«Xa konne ki'ne suttini Yesuusa, Maganu Mootichanna Kiristoosa assinosita Israeelete manni baalu halaalinta afo!» yii.

SOQQAMAASINETE LOOSO 5:31

Maganu Israeelete aagintaabbeenna cubbonsa agurara, Yesuusa Gashshaannanna Gatisaancho asse qiniitesiinni ayirrinyunni ofollanno gede assino.

UMI QORONTOOSI 15:47

Umi Addaami baattote bushshinni kalaqamino; layinki Addaami gordunni dayinoho.

FILIPHISIYUSI SOKKA 2:11

Arrawu baaluno, «Yesuusi Kiristoosi Mootichaho» yee farci'ranni, Magano Annaho ayirrinye aanno.

FILIPHISIYUSI SOKKA 3:8

Mooticha Yesuusa Kiristoosa egennatenni roorinori mitturino nookkita afe, baalankare mullare asse aguroommo. Isi daafira yee wole baalanka coye hune aguroommo; Kiristoosiha ikkammora yee wo'mankare ishinu gede asse aguroommo.

QOLASIYAASI SOKKA 2:6

Xa kayinni Mooticha Yesuusa Kiristoosa amma'nitinoonni garinni isinni heedhe.

UMI YOHAANNISI 4:14

Ninkeno la'noommo; Maganu Annu Beettosi tenne gobba Gatisaancho asse soyinota farci'neemmo.

UMI YOHAANNISI 5:1

Yesuusi, Buuramino Moote ikkinota ammanannohu baalu, Maganu ilaati; anna baxannohu baalu beettono baxanno.