LUQAASI 19:47 - Qullaawa Maxaafa

⁴⁷ Yesuusi barru baala Qullaawa Mine rosiisi. Qeesootu roorrooti, Seeru rosiisaanonna gashshaano shitasira hasidhe no.

LUQAASI 19:47 ပူးပေါင်းရင်းမြစ်များ

MAATEWOOSI 21:23

Yesuusi Qullaawu Minira e"e rosiisanni hee'reenna qeesootu roorrootinna gobbate geerri isiwa shiqqe, «Konne coye assattohu mayi roorreenniiti? Woy kayinni togoo coye assate roorre uyinohehu ayeti?» yite xa'mitusi.

MAATEWOOSI 26:55

Hatte yannara Yesuusi hakkiicho gamba yiino mannira, «Mulqi'rannoha amandannihu gede ane amadate bisenna dulla duqqitine daggini? Barra baala Qullaawu Mini giddo rosiisanni ledo'ne hee'rummo geeshsha diamaddinoonnie.

MAARQOOSI 11:18

Qeesootu roorrootinna Muse Seeri rosiisaano hatto yee coyi'ranna macciishshitu. Mannu baalu isi rosiisino coye dhaggeeffatanni noo daafira, waajjitusi. Kunnira shitannosi doogo hassu.

MAARQOOSI 12:12

Ayihudete roorrooti Yesuusi maammaahino maammaashshi kisannonsata affe, iso amaddara yorte manna waajjitino daafira agurte hadhu.

MAARQOOSI 14:1

Yihudaho Agure Sa"ate Ayyaananna Timu Ayyaana ayirrinsara, lamu barri gate hee'reenna, qeesootu roorrootinna Seeru rosiisaano Yesuusa amadde shitanno doogo hasidhanni no.

MAARQOOSI 14:49

Barra baala Qullaawa Mine rosiisanni hee'rummo geeshsha, diamaddinoonnie. Kuni ikkinohu kayinni, Qullaawa Borro yitinohu wo'manno gedeeti» yii.

LUQAASI 19:48

Mannu baalu Isi coyi'rannore macciishshate roorae noo daafira, mittoreno assa didandiitino.

LUQAASI 20:19

Hatte yannara, Seeru rosiisaanonna qeesootu roorrooti, maammaashshu insa kisannoha ikkinota affe, hakkawoyintenni Yesuusa amaddara hasidhu. Ikkollana manna waajjitino.

YOHAANNISI 10:39

Insa xaano Yesuusa amaddara hasidhu; isi kayinni angansanni luxuphe ha'ri.

YOHAANNISI 18:20

Yesuusino, «Ani manna baalaho xawoho coyi'roommo; Ayihude baala gamba yitannowa xaadu minenna Qullaawa Mine wo'ma woyite rosiisoommo; maaxe coyi'roommori mitturino dino.

YOHAANNISI 7:19

Muse Seera diuyino'ne? Giddo'ne kayinni hakkonne seera wonshannohu mittuno dino. Ki'ne ane shitinara mayira hasidhinanni?» yee qolinsa.

YOHAANNISI 7:44

Mitu mitu amaddasira hasidhino; ikkollana, ayino angatenni diamadinosi.