LUQAASI 18:7 - Qullaawa Maxaafa

⁷ Maganu hashsha barra Isiwa higge raartannorira roorse halaalu yoo diyaannonsa? Lashshi asse agureenna kaa'lo keeshshitannonsani?

LUQAASI 18:7 ပူးပေါင်းရင်းမြစ်များ

FAARSO 88:1

Gatisaancho'ya ikkoottohu Kaaliiqa Magano'ya ballo, hashshanna barra albakkiinni woxarateemmo.

FAARSO 9:8

Isino gobba gosate halaale coyi'ranno; dagano taashshe gashshanno.

FULO 22:23

Qarrissineennansa anewa higge raarturo, ani raarensa macciishshe kaa'leemmonsa;

ISAYAASI 40:27

Yaiqoobi sircho! Israeelete gosa! «Kaaliiqi qarra'ya diafino; halaaleno difushshinonke» yitine mayira gunguntinanni?

IMBAAQOOMI 2:3

Himanu wo'manno yanna di"iillitino. Ikkirono himanu wo'manno yanna rakke dagganno; kuni coyino kapho ikke digatanno. Keeshshannoha ikkiro nafa keeshshino gedeenni digatanno. Halaalintanni kuni barri dayikkinni digatannona cincite agari.

MAATEWOOSI 24:22

Hatte barruwa hara'ma hooggeemmero, mittu manchino gata didandaanno. Dooramino manni daafira yineenna hatte barruwa hara'mitanno.

MAATEWOOSI 24:24

Kaphaano kiristoosootinna kaphaano himanaano dagganno. Insa dandiitoommero Maganoho doorantinore nafa so'risiissara lowo dhaggenna maalale leellishshanno.

MAATEWOOSI 7:11

Ki'ne bushuulle ikkitine heedhinenni ooso'nera danchare aa egentinina, gordoho noohu Anni'ne huuccidhannorira roorenka hiitto danchare aa hooganno?

LUQAASI 11:13

Ki'ne bushuulle ikkitine heedhinenni ooso'nera dancha coye aa egentinoonniha ikkiro, gordoho noohu Anni'ne huuccidhannosirira hakkiinni roorse Qullaawa Ayyaana hiitto aa hooganno?» yiinsa.

LUQAASI 2:37

Hakkunni gedensaanni settayina shoole diro ikkase geeshsha Qullaawu Mininni baxxitukkinni ita aga agurte huuccidhanni, hashshanna barra Maganoho soqqantanni heedhino.

LUQAASI 21:28

Kuni coyi baalu ikka hanafanno woyite, gato'ne barri iillinona iima higgine la'e» yiinsa.

ROOMU SOKKA 8:33

Maganu doorinore, «Sao assitinoonni» yaannonsahu ayeti? Keereensannonsahu Maganoho.

QOLASIYAASI SOKKA 3:12

Xa Maganu doodhino manni gede qullaawootanna baxantinoonnire ikkitine mararro, joongille, shaqqille, shooshanqenna cinca, uddanote gede assitine uddidhe.

UMI TESELONQE 3:10

Hashshanna barra jaatanaambe huucci'neemmohu, ammana'ne giddo xeino coyi wo'manno gedeetinna ki'neno illenkenni la'nammora yineeti.

LAYINKI TESELONQE 1:6

Maganu halaalaancho yoo yaannoha ikkinohura, qarra kalaqqino'nere qarra abbe qorichishanno.

UMI XIMOOTEWOOSI 5:5

Gunnimmatenni callase nooti, Magano hexxitanni hashshanna barra kaa'lannose gede jaatte huuccidhanno.

LAYINKI XIMOOTEWOOSI 1:3

Wo'manka woyite hashshanna barra huuccatto'yanni qaageemmo woyite, annuwa'ya assitunte gede anino xalalu tii'inni soqqameemmo Magano galaxxeemmo.

LAYINKI XIMOOTEWOOSI 2:10

Kunnira, insano Yesuusi Kiristoosi widoonni afi'nanni gatonna hegere ayirrinye afidhanno gede, Maganu doodhino manni daafira yee baalanka coye cinceemmo.

TIITO 1:1

Maganu borojjichonna Yesuusi Kiristoosi soqqamaasincho ikkoommohu, Maganu doodhino manni ammana jawaachishatenna maganittete heeshsho halaale affanno gede assate dooramoommohu ani Phaawuloosi soommo sokka:

UMI PHEEXIROOSI 1:1

Yesuusi Kiristoosi soqqamaasinchi ani Pheexiroosi, Manni gobba manna ikkitine Phanxoosi, Galaatiyaho, Qephedooqiyaho, Issiyahonna Biitaaniyaho billaallitine heedhinannirira,

LAYINKI PHEEXIROOSI 3:9

Mitu mitu heddanno garinni ikkikkinni, Mootichu uyino hexxo wonshate dikeeshshanno. Ikkollana, baalunku aagintaawe higaranna ayino ba"ara hasi'rinokki daafira ki'nera yee cincanno.

YOHAANNIS AJUUJA 18:20

Gordo, Baabilooni uwara hagiidhi! Ki'ne Maganu manni, soqqamaasinenna himanaano, hagiidhe! Maganu ki'ne daafira rabbisino.

YOHAANNIS AJUUJA 6:10

Tini lubbuwa qoonqonsa naggi assite, «Qullaawunna halaalaanchu, Wo'manka Dandaatto Mootichi, baattote aana hee'ranno manna qorichishattokkihunna mundeenke daafira rabbisattokkihu mamooti geeshshaati?» yitanni raartu.

YOHAANNIS AJUUJA 7:15

Kunnira ayirradu Maganu barcimira albaanni uurrite, hashshanna barra Qullaambesi Mine soqqantannosi. Ayirradu barcimira ofollinohu dukkana guggushshannonsa.