LUQAASI 18:22 - Qullaawa Maxaafa

²² Yesuusi tenne macciishshihu gedensaanni manchoho, «Mittu coyi gate noohe; hadhe afi'roottore baala hirte woxe buxanete beehi; gordoho jiro afi'rattona. Hakkunni gedensaanni hoode'ya amo!» yiisi.

LUQAASI 18:22 ပူးပေါင်းရင်းမြစ်များ

FAARSO 27:4

Kaaliiqa mitto coye huucci'roommo; hasi'reemmohuno hakkonneeti; hakkuno, heeshsho'ya diri baalankunni minesi hee'reemmo gede, Kaaliiqi danchumma laeemmo gedenna, Qullaawa Minesi hee're huucci'reemmo gedeeti.

MAATEWOOSI 19:21

Yesuusi qole, «Co'onta guuta ikka hasi'rittoro, hadhe afi'roottore baala hirte woxe buxanete beehi; gordoho jiro afi'rattona. Hakkunni gedensaanni hoode'ya amo!» yiisi.

LUQAASI 10:42

Hasiisannohu mitto coye callaho. Maariyaami dancha coye doodhitino; konne coye isewiinni diadhinannise» yee qolise.

LUQAASI 12:33

Noo'nere baala hirtine buxanete uuyye! Akkalannokki ogoro seekkidhine, mooraanchu iillannokkiwa, daanillu qasannokkiwanna goofannokkiwa gordoho wodhe.

LUQAASI 16:9

Kuleemmo'nena, bunshete woxinni jaalla kalaqidhe; hatto assitiniro woxi'ne goofeenna mulla anganni gattinanni yannara, jaalla'ne haadhe geedote mine wortanno'ne.

LUQAASI 18:21

Manchu qole, «Rosiisaancho'ya, tenne hajajo anjenni kayise agadhe hee'reemmo» yii.

LUQAASI 18:23

Manchu kayinni lowo geeshsha dureessa ikkino daafira, konne coye macciishshe lowo geeshsha dadilli.

LUQAASI 9:23

Baalunkura qole, «Hoode'ya ha'ra hasi'rannohu umosi aguro; barru barrunkunni masiqalasi duqqe hoode'ya dayo!

FILIPHISIYUSI SOKKA 3:13

Roduuwa'ya, ani xaano hakka di"iilloommo; ikkollana mitto coye asseemmo; badhe'yaanni nooha hawanni, alba'yaanni nooha amadammora hiixateemmo.

LAYINKI PHEEXIROOSI 3:8

Jaalla'ya! Ki'ne kayinni, Mootichunniwa mittu barri kumu diri gede, kumu diri mittu barri gede ikkinota konne mitto coye habbinoonte.