LUQAASI 18:13 - Qullaawa Maxaafa

¹³ «Qaraxaasinchu kayinni fafe uurre, iima gordo hige la"ara nafa diuggino. Ikkollana angasinni gagaso ga'nanni, ‹Magano'ya, ani cubbaataamohona cubbo'ya aguri!› yee huucci'ri.

LUQAASI 18:13 ပူးပေါင်းရင်းမြစ်များ

LAYINKI SAAMUEELI 12:13

Daawitino Naataanira daware, «Kaaliiqi aana sao assoommo» yii. Naataanino Daawitira qole, «Kaaliiqi cubbokki agurannohena direyatto.

LAYINKI DUDUWO 33:19

Minaase Kaaliiqa huucci'rino huuccatto, Kaaliiqi qolinosi dawaro, aagintaawara albaanni loosino cubbi, loosinoti addi addi bunshe, isi seekkinoti dagate maganna magansi'nanni darguwanna Asheera mokkollonna magansi'ranno maganna baala himanaanote dhagge amaddino maxaaffara borreessante no.

LAYINKI DUDUWO 33:23

Annisi gede gaabbe umosi shollishe Kaaliiqiwa higara dihasi'rino. Annisihunni roorino cubbo loosino.

IZIRA 9:6

«Magano'ya ballo, cubbinke uminkera iimaanni saino; saonkeno gordo iillitino. Magano'ya ballo, alira atewa hige la"ate nafa saalfatoommo.

IYYOOBI 42:6

Kunnira, coyi'roommo coyi baalu, ane umo'ya saalfachishinoe. Kunni daafira, buluulunna bukote aana ofolle aagintaaweemmo» yii.

FAARSO 106:6

Akaakkanke gede cubbo loonsoommo; bunshe assinoommo; cubbammoommo.

FAARSO 119:41

Kaaliiqa! Bagamannokkiha baxillekki leellishie; hexxonnihu qaalikki garinni gatisie.

FAARSO 130:7

Israeele! Isi bagamannokki baxillihanna, manna gatisateno wo'manka woyite qixxaawa ikkinohura, Kaaliiqa addaxxi.

FAARSO 25:11

Kaaliiqa eeggate, cubbi'ya bati'rinona, su'mikkira yite saie.

FAARSO 25:7

Anje'yanni hee're assoommo cubbonna sao kiirtootie; Kaaliiqa ballo, danchummakkira yite, bagamannokki baxillikkinni qaagie.

FAARSO 40:12

Kiiro anfoonnikki bunshe doyissitinoe; cubbu amadeennae la"a hoogoommo; kiiro umi'ya danancho rooreenna hexxo ba'inoe.

FAARSO 41:4

Anino, «Kaaliiqa'ya, ate aana sao assoommona maarie; dhibba'yano hursie» yoommo.

FULO 33:10

Mannu baalunku xullichi xullichisira hee're, gomichu heelliicho Dukkanu xullichira afanno yannara, kae uurre umo heeshshi yee kumbuuli.

ISAYAASI 1:18

Qoleno Kaaliiqi, «Amme hanni mala hansona! Cubbi'ne duumo xiille ikkirono ani hayishshe bullaame kaade gede asseemmo'ne. Mundeete gede duu'mirono suqqinoonni fuutti gede xabbinanni gede asseemmo'ne.

ISAYAASI 6:5

Anino, «Suume battaabbinoehu suume battaawino manni ledo hee're Moote Olantote Mooticha Kaaliiqa ille'yanni afoommona baoommo! Ane hunsha!» yoommo.

ISAYAASI 66:2

Konne baala kalaqoommohu aneeti; kuni baalunku aneho. Ani kayinni umosi heeshshi assinohuwa, masanno wodana afi'rinohuwanna, qaale'ya huxi're waajjannohu widira hige laeemmo.

HIZIQEELI 16:63

Assootta sao baala agureemmohe; ati kayinni hattenne baala sao qaagatenni lowo geeshsha saalfatattahura mittoreno coyi'ra didandaatta. Konne coye coyi'roommohu ani Mootichu Kaaliiqaati» yii.

DAANIEELI 9:5

ninke bunshenkenninna haxawarrimmankenni cubbo loonse sao assinoommo; seerakkinna hajajokki gimboommo.

MAATEWOOSI 10:3

Filiphoosiiti, Bertelemewoosiiti, Toomaasiiti, Qaraxaanchu Maatewoosiiti, Ilfiyoosi beetti Yaiqoobiiti, Taadewoosiiti,

MAATEWOOSI 6:5

Yesuusi lede, «Huuccidhinanni woyite, leellamate yite huuccidhannori gede ikkitinoonte. Insa mannu la"ansara yite xaadu minenna dooggate maddera uurrite huucci'ra baxxanno. Halaale kuleemmo'nena, insa balaxxe loosinsa guma adhite ka'ino.

MAATEWOOSI 9:13

Hadhine, ‹Ani kakkalotenni roore maaro hasi'reemmo› yine borreessinoonnihu mayaatero seekkitine buuxxe! Ani cubbaataamma ikkinnina, keeraano woshshammora didayommo» yiinsa.

MAARQOOSI 11:25

Gordoho noohu Anni'ne cubbo'ne aguranno'ne gede, Magano huuccidhinara ka'inanni woyite, mannaho amaddinoonni koma agurre.

LUQAASI 17:12

Mitto qacha iillanno yannara, tonnu anataammi isinni xaadde xeertidhe uurritu.

LUQAASI 22:41

Hakkunni gedensaanni kincho olleenna iillanno geeshshiwa insawiinni fafe ha're guluphe,

LUQAASI 23:48

Ikkannore la"ara hakkiicho gamba yiino manni baalu ikkino coye lae dadille gagaso ga'nanni mine minesi higi.

LUQAASI 5:8

Simiooni Pheexiroosi tenne ikkito lae Yesuusi albaanni guluphe, «Mooticha, ani cubbaataamohona anewiinni ho'li» yiisi.

SOQQAMAASINETE LOOSO 2:37

Mannu konne coye macciishshe wodanu maseennansa Pheexiroosiranna ledosi noo soqqamaasinera, «Roduuwa, xa ma assino?» yii.

ROOMU SOKKA 5:8

Ikkollana, ninke cubbaataamma ikkine hee'neenna Kiristoosi ninke daafira reyino. Kunni garinni Maganu lowo geeshsha baxannonketa leellishino.

LAYINKI QORONTOOSI 7:11

Maganu hedo garinni ikkino dadilli: hiittoo hixamanya, ki'nenee keereensi'rate hiittoo diinaggaawa, hiittoo hanqo, hiittoo waajja, hiittoo quqquxama, hiittoo laala, hiittoo qoricha mereero'ne wori! Kunni coyinni fayyaaleeyye ikkitinoonnita duuchunku garinni egensiissinoonni.

UMI XIMOOTEWOOSI 1:15

«Yesuusi Kiristoosi cubbaataamma gatisara yee tenne gobba dayino» yaanno qaali halaalaanchohonna mannu baalu adha hasiissannoho. Cubbaataammu baalunni rooru cubbaataami aneeti.

IBIRAAWOOTA 4:16

Maaro adhatenna hasiissanno yannara kaa'litannonke elto afi'rate, elto noowa ayirradu Maganu barcimiwa ruxxi yinummokkinni shinqo.

IBIRAAWOOTA 8:12

Kuni baalu ikkannohu, saonsa agureemmohuraatinna, kunni ka'ano cubbonsa qaageemmokki daafiraati» yiino.