LUQAASI 17:6 - Qullaawa Maxaafa

⁶ Mootichuno, «Shiimiidi gumi geeshshi amma'na heedhu'nero, tenne odakko, ‹Kawiinni buqqisante baaru giddo kaasami!› yitiniro, hajajantanno'ne» yiinsa.

LUQAASI 17:6 ပူးပေါင်းရင်းမြစ်များ

MAATEWOOSI 14:29

Yesuusino, «Amo!» yiisi. Pheexiroosino yowolote aaninni dirre Yesuusiwa iillara baaru aana qaafanni ha'ri.

MAATEWOOSI 17:20

Yesuusi, «Ammana'ne xe'inohuraati. Halaale kuleemmo'nena, shiimiidi gumi geeshshi amma'na heedhoomme'nero konne ilaala, ‹Kawiinni kai!› yitiniro ha'ranno; dandiitinannikkiri mitturino dihee'ranno.

MAATEWOOSI 21:21

Yesuusi, «Halaale kuleemmo'nena, amma'na heedhu'neronna huluullama hoogginiro balase ikkitu gede assa calla ikkikkinni konne ilaala, ‹Kawiinni ka'e marte baaru giddo uwi!› yitiniro nafa ikkanno'ne.

MAARQOOSI 4:31

Maganu gashshooti shiima guma lawanno. Hakku gumi winxanni yannara baattote aana noo gumi baalunkunni ajinoho.

MAARQOOSI 9:23

Yesuusi qole, «Dandiittoro yaatto? Ammanannohura baalunkuri dandaamanno» yiisi.

LUQAASI 13:19

Maganu gashshooti manchu haa're gate wixinoha shiima guma lawanno. Gumu mu're haqqicho ikki. Ceano sinnate aana mine mi'nitu» yii.

LUQAASI 17:7

Yesuusi lede, «Ki'ne giddonni mittoho gate loosannosihu woy saada allaalannosi soqqamaanchi hee'risiro, soqqamaanchisi loosuwiinni higanno yannara, hakkawoyintenni, ‹Amo ofolte sagale iti!› yaannohu ayeti?

LUQAASI 19:4

Yesuusi hakkaanni hige sa"anni noo daafira, Zakkiwoosi iso la"ara alba hige dode mare mitte odakko giddi.

LUQAASI 7:13

Mootichu mancho lae marare, «Wi'litooti!» yiise.

LUQAASI 7:19

«Daanno yinannihu ateetinso wole agadhino?» yite Mooticha xa'mitanno gede soyi.

UMI QORONTOOSI 13:2

Himana coyi'rummoro, go'lino coye afeemmoha ikkummorono, egenno baala heedhuerono, ilaalla darginni kayissanno geeshshi ammana heedhuerono, baxillu hoogiero kayinni haafaho.