LUQAASI 17:20 - Qullaawa Maxaafa

²⁰ Farisootu Yesuusa, «Maganu Gashshooti mamoote daanno» yite xa'mitusi. Isi daware, «Maganu Gashshooti daannohu mannu jaate agadhanno garinni di"ikkino.

LUQAASI 17:20 ပူးပေါင်းရင်းမြစ်များ

DAANIEELI 2:44

Hatte mootoolla yannara gordu Magani horonta diigamannokkihanna wole daga uggitannokki gashshoote uurrisanno. Kuni wole gashshoote baala co'o asse hunanno. Isi kayinni hegarera kaajje hee'ranno.

ZAKKAARIYAASI 4:6

Hakkunni gedensaanni sokkaasinchu, «Tini Kaaliiqi Zerubaabeelira soyino sokkaati: Olantote Mootichi Kaaliiqi, ‹Qinaannohehu, Ayyaani'yanniiti ikkinnina, wolqakkinninna jawaantekkinni di"ikkino› yaanno.

LUQAASI 10:11

«Katami'neta lekkanke buko ganga'ninoommo. Maganu Gashshooti ki'newa gamba yiinota kayinni affe» yiiyyensa.

LUQAASI 14:1

Yesuusi Fooliishshote Barra mittu Farisootu roorrichi mine sagale itara ei. Farisootu Yesuusi assannore galaalchitanni no.

LUQAASI 16:16

Yesuusi lede coyi'ranni, «Seerunna himanaanote maxaaffa Cuuaanchu Yohaannisi geeshsha kulantanni keeshshitino. Kunni ka'a kullannihu Danchu Duduwi Maganu Gashshootire kulanno. Mittu mittunku Maganu Gashshoote eate lowo geeshsha jawaato.

LUQAASI 19:11

Mannu konne coye macciishshanni hee'reenna, Yesuusi lede tenne masalo kulinsa. Isi Yerusaalame iilla rahe noo daafira, mannaho Maganu Gashshooti hakkawoyintenni leellannoha lawinonsa.

YOHAANNISI 18:36

Yesuusi, «Ane gashshooti tenne gobbaha di"ikkino. Gashshooti'ya tenne gobbaha ikkoommero, olanto'ya gaarante Ayihudete anganni gatissannoe. Gashshooti'ya kayinni tenne gobbaha di"ikkino» yee qoli.