LUQAASI 17:14 - Qullaawa Maxaafa

¹⁴ Yesuusi insa lae, «Hadhe! Biso'ne qeesootaho leellishidhe!» yiinsa. Insano hadhanni heedhe doogote dhibbinsanni keeraabbu.

LUQAASI 17:14 ပူးပေါင်းရင်းမြစ်များ

LAYINKI MOOTOOLLA 5:14

Ni"imaanino Maganu manchi kulinosi garinni Yordaanoosi Wayi laga dirre 7 hige lixe fulanni hayishshi'ri; dhibbisinnino huri; manninatisino qaaqquullunnihu gedeeha ikki.

ISAYAASI 65:24

Woshshidhukkinni yee yeemmonsa; huuccidhe guddukkinni qoleemmonsa.

MAATEWOOSI 3:15

Yesuusi kayinni, «Keeraanchimmate loosi baalu kunni garinni wo'ma hasiissanno daafira ikkona aguri» yiisi. Yohaannisino maahoyye yee cuuisi.

LUQAASI 5:14

Yesuusi qole, «Konne coye hattono ikkite mannaho kultooti; huroottota kayinni marte qeesichaho leellishi'ri. Huroottota anfanni gede, Muse hajajinota keeraa'mate kakkalo Maganoho shiqishi» yee hajajisi.

YOHAANNISI 11:10

Hashsha ha'rannohu kayinni xawaabbu nookki daafira gufi'ranno» yiinsa.

YOHAANNISI 2:5

Yesuusi ama soqqantanni noore woshshite, «Isi yaanno'nere baala asse!» yitu.

YOHAANNISI 9:7

Hakkiinni, «Cuuammanniwa Selihoomi marte hayishshi'ri!» yiisi. (Selihoomi yaa Sonkoonniho) yaate. Manchuno ha're hayishshi're la"anni higi.