LUQAASI 16:24 - Qullaawa Maxaafa

²⁴ Qoonqosi naggi asse, ‹Anna'ya Abirihaami! Eeggatena mararie; konniicho giirate buwani giddo fooggalanni noommona, qubbichisinni waa kise arrawo'ya qiissannoe gede Aliaazaari soyie› yiisi.

LUQAASI 16:24 ပူးပေါင်းရင်းမြစ်များ

IYYOOBI 20:21

Ite duuwannokkiha ikkino daafira, jirosi lowo yanna dikeeshshitanno.

ISAYAASI 27:11

Haqqichote sinna mooltuhu gedensaanni hiiqqaqqante ubbanno; meentuno daye giirate adhanno. Wodancha nookki manna kalaqaanchu Magani dimararanno; horonta dimaarannonsa.

ISAYAASI 66:24

Fulte hadhanno woyite anera hajajama gibbe reyitinori reeshsha la'anno. Hakkore ittanno da'muulla direyitanno; ittannonsa giirano dixo'anno; laihu baalu shagaggi'rannonsa» yii.

ZAKKAARIYAASI 14:12

Yerusaalame qasara ka"anno manni aana Kaaliiqi daneessanno dhibba abbanno; lubbotenni heedheennanni manninatinsa da'muulanno; illensanna arrawinsano shamanno.

MAATEWOOSI 25:41

«Hakkunni gedensaanni guraanni noorirano, ‹Ki'ne rumantinoonniri! Anewiinni xeertidhe! Sheexaanehonna sokkaanosira qixxeessinoonnitewa hegere giirawa hadhe!

MAATEWOOSI 3:9

‹Abirihaami annankeeti› yaatenni gattinanniha lawoonke'ne; Maganu tenne kinna giddonni Abirihaamira ila ikkitannore kayisa dandaannota kuleemmo'ne.

MAATEWOOSI 5:22

Ani yeemmo'neti kayinni: rodiisira hanqanno baalira yoo yinanni. Qoleno rodoosi, ‹Tidhoottori nookkihu› yee xonannohu baalu songote albira shiqeenna aanasi yoo yinanni. ‹Mullu gowwi› yee xonannohano gaannaamete giira agartannosi.

LUQAASI 16:30

Dureessu manchino, ‹Abirihaami anna'ya, hakku callu di"ikkanno; reyinohu kae mare kulinsaro, gaabbite aagintaabbanno› yii.

LUQAASI 19:9

Yesuusino, «Kuni manchino Abirihaami sircho ikkinohura, techo gato kunni minira daggino.

LUQAASI 3:8

Xaate aagintaawa'ne leellishanno looso loosse ikkinnina, ninke Abirihaami sirchooti yitinanni wodani'nenni boo'nitinoonte. Maganu tenne kinna giddonni Abirihaamira ila kayisa dandaannota kuleemmo'ne.

YOHAANNISI 4:10

Yesuusi qole, «Maganu eltonna, ‹Ageemmo waa uue› yaannohehu ayetiro afoottaha ikkoommero, iso huucci'ratta; isino atera heeshshote waa aannohehu baino» yiise.

YOHAANNISI 4:14

Ani eemmo waa agannohu kayinni hegere geeshsha digoo'ranno; ani eemmo waa agannohu, hegere heeshsho uyitanno buicho giddosinni fultannoha ikkanno» yii.

YOHAANNISI 7:37

Ayyaana ayirrinsannihu gumulotenna lowo geeshsha ayirradu barrinni, Yesuusi uurre qoonqosi naggi asse, «Waa goo'rinohu hee'riro anewa daye ago.

ROOMU SOKKA 4:12

Abirihaami barcintinorirano annaho; anna ikkinohuno, barcimansa callatenni ikkikkinni, isi barcimara albaanni afi'rino amma'na hoode hadhino daafiraati.

LAYINKI TESELONQE 1:8

Hatte yannara, Magano egentinokkirenna Danchu Duduwi Mootichu Yesuusihura hajajantannokkire qorichishanno.

YAIQOOBI 2:13

Maganu yoo, sao agurannokkihura saosi diagurtanno; ikkirono maaro yoo qeeltanno.

YAIQOOBI 3:6

Arrawuno giirate gedeeti; arrawu mannimmanke giddo busha alameeti. Mannimmanke batteessanno; gaannaamete giira gede heeshshonke qaafo baala giiranno.

YOHAANNIS AJUUJA 19:20

Ikkollana moyichu amadami; isi albaanni malaatta loosanni noohu kaphaanchu himanaanchino amadami. Isi moyichu malaati noonsarenna isi misile magansidhanni noore malaatta loosanni so'risiisanni no. Insa lamenka ruqanunnihura giirate baarira lubbotenni heedheennanni tungi.

YOHAANNIS AJUUJA 20:15

Su'mansa heeshshote maxaafira borreessinoonnikkire baala giirate baari giddo tungi.

YOHAANNIS AJUUJA 22:1

Hakkunni gedensaanni sokkaasinchu Maganunna Ge'rechu barcimi ayirraduwiinni fulannoha hincilaallote gede xawannoha heeshshote wayi xashsho leellishie.

UMI SAAMUEELI 28:16

Saamueelino, «Kaaliiqi ate agure baarigaara ikkihena, ane mayira xa'mattoeyya?