LUQAASI 16:15 - Qullaawa Maxaafa

¹⁵ Yesuusi kayinni, «Ki'ne umo'ne mannu albaanni keeraano lawissinanni; Maganu kayinni wodana'ne afino. Mannu albaanni ayirrado lawannohu Maganu albaanni shalaminoho» yii.

LUQAASI 16:15 ပူးပေါင်းရင်းမြစ်များ

UMI DUDUWO 29:17

Ati mannu baalunku wodana fonqolte la'e, ammanamino manninni hagiidhattota afoommo. Konne baala atera baxe oommohehu, halaalunniitinna taalotenniiti. Qoleno konne gamba yee noohu mannikki atera afansha aatenni lowo geeshsha hagiidhinota afoommo.

LAYINKI DUDUWO 6:30

gordoho noottowa heedhe macciishshite cubbonsa aguri. Mannu wodanira noo hedo gudisse afoottohu ate callaati. Kunnira mittu mittunkura loosi loosisi garinni uyi.

FAARSO 10:3

Wodanisi halchonni adawadhanno; honqooqicha maassi'ranno; Maganono seyatanno.

FAARSO 49:13

Uminsanni addaxxitannorira kuni coyi daannonsa; jironsanni qawaaxxidhannorira tini kaayyonsaati.

FAARSO 49:18

Lubbotenni hee're qawaaxxi'rironna, qiniitisinni kainohunni mannu jajisiro nafa,

FAARSO 7:9

Mulenna mudukko afattohu halaalaanchu Magani, cubbaataammu bunshe huni; keeraanote kayinni ba'raasinsa.

LAWISHSHA 16:5

Kaaliiqi boonaleessa wodana tiyyi're giwanno; hakko wodanihu qorichishamikkinni gatannokkita egenne.

LAWISHSHA 20:6

Mannu baalu umisi danchumma duduwanno; ammanamino mancho kayinni maminni anfanni?

LAWISHSHA 21:2

Mannaho ha'ranno doogo baala garalla labbanno; Kaaliiqi kayinni wodanu mu'ra la"anno.

ERMIYAASI 17:10

«Ani Kaaliiqi kayinni, mannaho ha'rinshosinna qaafosi garinni loosisita aate, mannunniha wodananna, hedosi baala fonqole laeemmo.

MILKIYAASI 3:15

Kunni ka'a boonaleeyye, ‹Baraadhinoreeti› yineemmo. Kune insa hagiidhite heedhanno. Bunshe assitannori jiro afi'ratenni sa'e Magano jiffanno; isino diqorichishinonsa» yitinoonni.

MAATEWOOSI 23:5

Assitannore baala mannu la"ansara yite assitanno. Quraama gowisiisidhanno; huuccattote uddanonsa handaara seedisidhanno.

MAATEWOOSI 6:16

Yesuusi, «Qatuntine huuccidhinanni woyite, qatunte huucci'ransa mannu afansara yite bullitanno lawisiisaano gede alba bullitinoonte. Halaale kuleemmo'nena, insa loosinsa guma adhite ka'ino.

MAATEWOOSI 6:2

«Kunnira qarrantinorira uyitinanni woyite mannu la"ansara yite xaadu minenna dooggate uyitanno lawisiisaano gede leellamate yitine assitinoonte. Halaale kuleemmo'nena, hatto assitannori loosinsa guma adhite ka'ino.

MAATEWOOSI 6:5

Yesuusi lede, «Huuccidhinanni woyite, leellamate yite huuccidhannori gede ikkitinoonte. Insa mannu la"ansara yite xaadu minenna dooggate maddera uurrite huucci'ra baxxanno. Halaale kuleemmo'nena, insa balaxxe loosinsa guma adhite ka'ino.

LUQAASI 10:29

Seeru rosiisaanchi isonoo seekki'ranni, «Eli'ya ayeti?» yii.

LUQAASI 11:39

Kunnira Mootichu, «Ki'ne Farisootu finiinchohonna xilteho gobbayido seekkitinanni; giddo'ne kayinni xagarronna bunshe wo'mitino.

LUQAASI 18:11

«Farisichu uurre wodanisinni, ‹Magano'ya, ani wolootu gede mulqi'reemmoha, jaddo looseemmohanna fooreemmoha ikka hooga'yara galaxxeemmohe. Roorenka kunni qaraxaasinchi gedeeha ikka hoogoommohura galaxxeemmohe.

LUQAASI 18:14

Kuleemmo'nena, keeraa'me minisira higinohu hakkonne qaraxaasinchooti ikkinnina Farisicha di"ikkino. Umosi gotti assannohu baalu heeshshi yaanno; umosi heeshshi assannohu kayinni gotti yaanno» yiinsa.

LUQAASI 18:21

Manchu qole, «Rosiisaancho'ya, tenne hajajo anjenni kayise agadhe hee'reemmo» yii.

LUQAASI 18:9

Qoleno Yesuusi, ninke keeraanote yite umonsa bokkeessite wole manna mishshannorira,

LUQAASI 20:20

Kunnira, injiitanno yanna galaalchitanni no. Mite sao coyi'reenna amadde gashshinohu roorreranna wolqara sayisse uyitara, elo labbe giddota haadhannore fushshite Isiwa sokku.

LUQAASI 20:47

Leellantara yite seeda huuccatto assitanni, gunnootu mine mulqitanno. Kunnira, insa rooru qorichi agarannonsa» yii.

YOHAANNISI 2:25

Isi mannu wodanire baala egennino daafira, mannunnire ayino kulasira dihasiisinosi.

YOHAANNISI 21:17

Sayikkimeeshshono, «Yoona beetto Simiooni, baxattoeni?» yii. Sayikkimeeshsho, «Baxattoeni?» yiino daafira Pheexiroosi dadille, «Mooticha'ya, ati wo'manka coye egennootto; ani baxeemmohetano afootto» yii. Yesuusino, «Ge'reewo'ya allaali!

SOQQAMAASINETE LOOSO 1:18

«Kuni manchi loososi mixxino; alba hige uwe lamewa fulino; helleesino du'nantino.

SOQQAMAASINETE LOOSO 1:24

Hakkunni gedensaanni, «Mannu baalu wodana afattohu Mootichanke, kunni lamunku giddonni hiikkonne doodhoottoro leellishinke.

SOQQAMAASINETE LOOSO 15:8

Mannu wodana egennino Magani, Qullaawa Ayyaana ninkera uyinonte gede, insarano ee doorinonsata egensiisino.

ROOMU SOKKA 3:20

Seeru mannu baalu cubbaataamo ikkinota leellishanno daafira, Maganu albaanni Muse Seera agadhatenni keeraawannohu dino.

ROOMU SOKKA 8:27

Mannu wodana egennino Magani, Qullaawu Ayyaani hedo maatiro afino. Hatto ikkannohu, Qullaawu Ayyaani qullaawu mannira Maganu hedo garinni huuccanno daafiraati.

UMI QORONTOOSI 4:5

Kunnira, Mootichu Yesuusi yoo yaara daa geeshsha, aye aanano yoo yitinoonte. Isi daanno woyite, tunsote go'le noore haa're xawo fushshanno; mannu wodani giddo nooreno reqecci assanno. Hakka waro, Maganu baalanka gari garisinni jajanno.

UMI PHEEXIROOSI 3:4

Biinfilli'ne Maganu albaanni iibbadu waagihanna ba'annokki xummeha, ga'labbichunna wodanaamu suudi seesiha, wodanu giddo nooha giddoyidi manninate ikkona.

UMI PHEEXIROOSI 5:5

Ki'ne wedelluno, cimeeyyete hajajamme. Baalunku joongille uddanote gede uddidhine mimmitoho soqqamme. «Maganu boonaleeyye giwanno; jooguulleho kayinni elto aanno» yine borreessinoonni.

YOHAANNIS AJUUJA 2:23

Oososeno reyotenni qorichisheemmo; beetekiristaanna baala, mulenna mudukko laeemmo Magano ikkoommota affanno. Mittu mittunkura loosi'ne garinni eemmo'ne.

UMI SAAMUEELI 16:7

Kaaliiqi kayinni Saamueeli, «Ani iso dihasi'roommona, danasinna uurrinshasi la'ooti. Ani mannu la"anno garinni dilaeemmo; mannu aaniido la"anno; ani kayinni wodana laeemmo» yiisi.