LUQAASI 15:15 - Qullaawa Maxaafa

¹⁵ Kunnira hatte gobbara hee'rannohuwa mittu manchiwa mare irki'ri. Manchuno manchaame allaalannosi gede soqqi.

LUQAASI 15:15 ပူးပေါင်းရင်းမြစ်များ

LAYINKI DUDUWO 28:22

Akaazi qarru aana qarru lexxanni hee'reennasinni roore cubbo loosatenni Kaaliiqa dadillisi.

FULO 10:3

Kunnira Muse Aarooni ledo Feriooniwa mare, «Ibiraawootu Magani Kaaliiqi, ‹Anera heeshshi yaattokkihu mamooti geeshshaati? Manni'ya magansi'rannoe gede ha'rona aguri;

ISAYAASI 1:5

Bunshete aana bunshe leddinanni lende qorichinshanni'ne gede mayira ikkitinanni? Manninati'ne baalu dhiwamaancho ikkino; wodani'neno daaqino.

ISAYAASI 57:17

Cubbinsanninna hagaagansanni kainohunni hanqoommonsa; hanqe alba'ya insawiinni shawwu assoommo; insa kayinni hadhanni noo doogo aaninni higa gibbino.

ERMIYAASI 5:3

Anino, ‹Illekki halaale la'annota ikkitinota afoommo; kaphinsa daafira mannakki qorichishatto. Insa kayinni be'eno diyitanno. Ati insa cancanoottonna qoomootto; insa kayinni roorenka haxawarroota ikkite, cubbinsawiinni higa gibbino› yoommo.

HIZIQEELI 16:52

Kuneeti xaano shollinyekki callakki duqqa hasiissannohe. Ate cubbi addinta tiyyi'nanniha ikkinohura, roduuwikki atenni taashshiniro, keeraano lawanno. Roduuwakki atenni taashshineenna keeraano lawannore ikkino daafira, ati saala uddidhe ofolli» yii.

HIZIQEELI 16:63

Assootta sao baala agureemmohe; ati kayinni hattenne baala sao qaagatenni lowo geeshsha saalfatattahura mittoreno coyi'ra didandaatta. Konne coye coyi'roommohu ani Mootichu Kaaliiqaati» yii.

NAHOOMI 3:6

Ishine tunganni darga asseemmohe; mishatenni laeemmohe; mannu baalunku diqatannohe gede asseemmohe.

MILKIYAASI 2:9

Ane seera agadha giwa'nenni halaale dawissinanni daafira, mannu baalu albaanni mishantinanninna shollitinanni gede asseemmo'ne» yii.

MAATEWOOSI 7:6

«Wirri yee ki'ne ga'manno'nekki gede, qullaawoota woshshaho tugginoonte. Lekkatenni kakkaddannona, maareekonnire manchaamete albaanni wortinoonte» yii.

LUQAASI 15:13

Shiimu barri gedensaanni, maa'niidi beetti iillinosire baala gamba assi're, fule xeerto gobba ha'ri. Hakko marinowa afi'rino woxe baala haafurira fince gudino.

LUQAASI 15:14

Woxesi baala gudihu gedensaanni, hattenne hee'ranno gobbara wolqaataame hude ubbeenna qarrami.

LUQAASI 15:16

Hudi're manchaame ittanno kura itara halchi. Aannosiha mittono diafi'rino.

ROOMU SOKKA 6:22

Xa kayinni cubbuwiinni wolaphitine Maganu borojje ikkitinoonnihura qullaawootaho; qullaawa heeshsho gawalono hegere heeshshooti.

TIITO 3:3

Ninke alba hawanyootaho; hajajammeemmokki so'ranyootaati; yortotenna addi addi qawaaxxora borojje ikkinoommoreeti; bunshenna dhiibbe noonkereeti; giwamaasinete; mimmito gimbeemmoreeti.