LUQAASI 15:13 - Qullaawa Maxaafa

¹³ Shiimu barri gedensaanni, maa'niidi beetti iillinosire baala gamba assi're, fule xeerto gobba ha'ri. Hakko marinowa afi'rino woxe baala haafurira fince gudino.

LUQAASI 15:13 ပူးပေါင်းရင်းမြစ်များ

FAARSO 73:27

Kuneeti atewiinni faffannori ba'anno; ate agurtannore baala hunatto.

LAWISHSHA 18:9

Looso cee'mannohu, jajja billaallisannohura rodooho.

LAWISHSHA 21:17

Techo qawaaxxo hasi'rannohu buxanno; woyinete xajjenna buuro baxannohu dureessa di"ikkanno.

LAWISHSHA 21:20

Egennaamu manchi mine jironna danchu uduunni hee'ranno; gowwu kayinni nooha baala billaallise gudanno.

LAWISHSHA 27:8

Dargasi agure ha'ranno manchi, minese agurte buubbanno ceicho gedeeho.

LAWISHSHA 28:7

Seera agadhanno beetti egennaamoho; tafaafurrootu ledo hosannohu kayinni annasi saalfachishanno.

LAWISHSHA 29:3

Egenno baxanno beetti anna hagiirsiisanno; fooru meenti hoode ha'rannohu kayinni, jirosi billaallisanno.

LAWISHSHA 6:26

Foora mancho mitto hurbaate tayisse adhitannohe; wolu galte kayinni noohere baala gudisse adhitannohe.

ISAYAASI 1:4

Ki'ne cubbaataame gosara, sao batidhino'ne dagara, bunshe loossinanni ilamara, ragimale heeshsho heedhinannirira aanne'e! Ki'ne ane Kaaliiqa Israeelete Qullaawa gibbine, badhe wodhitinoonnie.

ISAYAASI 22:13

Ki'ne kayinni yinoonnita agurtine, «Ga'a reyineemmoreentillana techo into, ango» yitine, saada gorridhine maala ittinanni; woyinete xajjeno agginanni ji'litinanni.

ISAYAASI 30:11

Doogotenni ho'lenke; ha'neemmo doogora guficho ikkitinoontenke; ninke Israeelete Qullaawa ikkino Maganire macciishsha dihasi'neemmo» yitanno.

ISAYAASI 56:12

Insa insanaa, ‹Amme woyinete xajje adhine, ange dimbinona! Ga'a barri techohu gedeenkalla ikkannona, woy isinni techohunni woyyinoha ikkanno› yitanno» yii.

ERMIYAASI 2:13

Ki'ne manni'ya 2 cubbo loossinoonni; heeshshote buicho ikkoommoha ane agurtinoonnie; waa ki'annokkita foonfa balla u'mitinoonni» yii.

ERMIYAASI 2:31

Ki'ne Israeelete manni yeemmo'nere macciishshe. Ani ki'ne moola baattora woy beebbu tunsichira hune agurummo'neni? Ki'ne diane mannaati? ‹Hasi'nummo gede ikkineemmo ikkinnina atewa dihingeemmo› mayira yitinanni?

ERMIYAASI 2:5

Kaaliiqi, «Akaakka'ne anewiinni ma"asseennansa faffino? Kaphu maganna magansidhanni insanaa mullare assitino.

MIKIYAASI 6:3

Kaaliiqi, «Manna'ya ma"assummo'ne? Hiittono duha ikkummo'ne? Hanni kulle"e.

LUQAASI 15:12

Maa'niidihu annasi, ‹Anna'ya, jirokki giddonni iillannoe qeecha beehie› yii. Annuno jirosi lamunku beettira beehi.

LUQAASI 15:14

Woxesi baala gudihu gedensaanni, hattenne hee'ranno gobbara wolqaataame hude ubbeenna qarrami.

LUQAASI 15:30

Kuni beettikki kayinni woxekki baala fooru meenti ledo fince gude galagale dayenna, hardino middicha gorroottosi› yee qoli.

LUQAASI 16:1

Yesuusi qole rosaanosira, «Jajja towatannosiha afi'rinohu mittu dureessu manchi no. Hakku towatara wodhino manchi jajjasi billaallisanni noota kullisi.

LUQAASI 16:19

Yesuusi qole, «Duume xiillittenna waajjo shaalado uddano uddi'rannohu mittu dureessu manchi no. Isi wo'manka woyite qineennasi qawaaxxi're hee'ranno.

EFESOONI SOKKA 2:13

Ki'ne bashsho faffine heedhinoonni. Xa kayinni Kiristoosa Yesuusa amma'nitine mundeesinni gamba yitinoonni.

EFESOONI SOKKA 2:17

Daye kae, ki'ne faffine heedhinoonniriranna gamba yite noorira keerunniha Dancha Duduwo kulino'ne.

LAYINKI PHEEXIROOSI 2:13

Bunshensa guma ittanno; barra sirba qawaaxxote gede assite heddanno. Ki'ne ledo jilaho xaaddanno woyite, saalanna fokko diafidhinoreeti.