LUQAASI 14:21 - Qullaawa Maxaafa

²¹ «Soqqamaanchuno galagale hige konne coye baala mootichisira kuli. Minu annino hanqe, soqqamaanchosi, ‹Rakke ka'e katammate doogganna qarruwa marte buxane, laanshaabbinore, illiweelootanna naafoota woshshite abbi!›

LUQAASI 14:21 ပူးပေါင်းရင်းမြစ်များ

FAARSO 2:12

Hanqisi rahe daye hunanno'nekki gedenna, ki'neno hedeweelcho ba'inannikki gede isira kumbuulle. Iso golo assidhannori baraadhinoreeti.

FAARSO 38:7

Fooggalunni kainohunni giiramoommo; lowo geeshsha dhiwamoommo.

ISAYAASI 33:23

Manni'ne diilallo golanno shari shoshshoggeenna, ha'ra hooggino markaawe gede ikkino. Jajja'ne baala gudhinanni; naaffinori nafa dagge saantanno.

ISAYAASI 35:6

Naafichu bullichi gede kubbanno; danqichu arrawino hagiirrunni faarsanno; halallitte gobbara wayi lolahanno.

ERMIYAASI 5:1

Kaaliiqi Yerusaalamete mannira, «Hanni Yerusaalamete doogga baala kawanna ka'a higgine la'e; taalo coyi'rannohanna, halaale hasannoha mitto mancho nafa anfannini? Taalo coyi'rannohanna halaalaancho, mitto mancho nafa affiniro, Yerusaalame maareemmo.

ZAKKAARIYAASI 11:11

Kunni garinni, gondooru hakko barranni diigami; konne asseemmo woyite, ge'reewo hirtanninna hidhitanni noori ane widira higge la'anni, Kaaliiqi ani assoommori widoonni qole coyi'rinota affu.

ZAKKAARIYAASI 11:7

Ge'reewo hirtannoriranna hidhitannorira kiranya ikke gorrinara worroonni ge'reewo allaaleemmoha ikkoommo; 2 siqqo fushshi're, mitte, «Elto» yee, layinkita, «Mittimma» yee su'mise, ge'reewo seekke allaaloommo.

MAATEWOOSI 11:28

«Ki'ne daafurtinoonniri, duhu ayirrino'neri baalu anewa amme! Ani fooliishshiisheemmo'ne.

MAATEWOOSI 11:5

Illiweelootu la'anno; naafootu uurrite hadhanno; dhiigaammu keeraabbanno; macciweelootu affanno; reyitinori ka'anno; buxanete Dancha Duduwo kullanni.

MAATEWOOSI 15:12

Hakkunni gedensaanni rosaanosi Yesuusiwa shiqqe, «Konne coyi'ritto coye macciishshite Farisootu so'rantinota afoottoni?» yite xa'mitusi.

MAATEWOOSI 18:31

Wolootu konne coye macciishshite lowo geeshsha dadillite, baalanka coye marte mootete kultu.

MAATEWOOSI 20:7

«Insa qolte, ‹Looso aannonkeha hoongeeti› yitu. «Isino, ‹Hakkawoyiteetiro, ki'neno hadhine woyinete kaashshi darga loosse!› yiinsa.

LUQAASI 14:13

Jila jilatto woyite, buxane, laanshaabbinore, naafootanna illiweeloota woshshi.

LUQAASI 14:20

Wolu qole, ‹Seenne adhoommo daafira daa didandeemmo› yii.

LUQAASI 14:22

Soqqamaanchuno hakkawoyintenni hige, ‹Mooticha'ya, hajajoottore baala wonshoommo; ikkollana xaano dargu gate no› yii.

LUQAASI 14:24

Halaale kuleemmo'nena, hakkuri woshshummori giddonni mittu nafa jila'ya hinkotenni diqasanno› yiino» yii.

LUQAASI 24:47

Su'misinni aagintaambannitanna cubbu maaro afi'nannita, Yerusaalametenni kayinse gobba baalate mannira kullannita coyi'noonni.

LUQAASI 9:10

Soqqamaasine soyinowiinni galagalte higge, assitinore baala Yesuusira kultusi. Isino Beetesayidu katami mule mannu nookkiwa calluwansa haa're ha'ri.

YOHAANNISI 9:39

Yesuusino, «La'annokkiri la'anno gede, la'annori ballitanno gede, ani tenne gobba yoo yaammora dayommo» yii.

IBIRAAWOOTA 13:17

Gashshite noo'nerira hajajantinanni, yitanno'ne gede ikke. Insa xa'mantanno daafira, ki'ne lubbora yite diinaggaabbanno. Ki'ne hajajantininsaro insa loosonsa hagiidhete loossanno. Hatto ikka hoogiro kayinni, dadillaamma ikkitanno; kuni ki'nera dancha di"ikkino.

IBIRAAWOOTA 2:3

Tenne jawa gato lashshi assine agurrummoro, qorichuwiinni hiitto ikkine ganteemmo? Tenne gato balaxe Mootichunku lallawino. Macciishshitinorino konne coye ninkera buuxissinonke.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

YOHAANNIS AJUUJA 19:15

Gosa ganannoti iibbitino bise afiisinni fultanno; isi siwiilu siqqonni gashshannonsa. Wo'manka Dandaanno Maganiha kaajjado hanqo leellishannoha, woyinete xajje huuncinanni koofficho kadanno.

YOHAANNIS AJUUJA 22:17

Qullaawu Ayyaaninna idayicho, «Amo!» yitanno. Macciishshannohu baaluno, «Amo!» yoo. Goo'rinohu baalu dayo; hasi'rihu baalu heeshshote waa mittoreno baatikkinni calla adho.

UMI SAAMUEELI 2:8

Isi buxicho buluulu aaninni kayisanno; gadadaamo ishinu giddonni fushshanno. Ayirraddu ledo ofoshshiishannosi; ayirrinyu barcimano ragisiisannosi. Baattote safo Kaaliiqite; kalqeno kunni xinti aana worino.

UMI SAAMUEELI 25:12

Daawiti mannino galagalte dagginowa higge, Naabaali yiinonsata baala Daawitira kultusi.