LUQAASI 14:13 - Qullaawa Maxaafa

¹³ Jila jilatto woyite, buxane, laanshaabbinore, naafootanna illiweeloota woshshi.

LUQAASI 14:13 ပူးပေါင်းရင်းမြစ်များ

LAYINKI SAAMUEELI 6:19

Mannu baalunkura meya labbaahura mitto mitto tima, mitte mitte maalu gumanna, mitte mitte woyinete hunduruurro beehinsa. Hakkunni gedensaanni mannu baalunku mini minisira ha'ri.

LAYINKI DUDUWO 30:24

Moote Hiziqiyaasi 1,000 woraamma, 7,000 ge'reewonna me"e, ledosi gashshaano qolte 1,000 woraamma, 10,000 ge'reewonna me"e gorre ji'lanno gede mannaho uyitu. Lowo qeesootino insanaa keereensidhu.

NEHIMIYA 8:10

Isino, «Xa mini mini'nera hadhine noo'neta dancha sagalenna ago buxanete ledo beeqqitine ittinanninna agginanni hagiidhe. Techo Maganinke Kaaliiqira baxxinoha qullaawa barra ikkino daafira dadillitinoonte. Kaaliiqi hagiirri wolqa'neeti» yiinsa.

NEHIMIYA 8:12

Kunnira, mannu baalu mini minisira ha're itanninna aganni lowo geeshsha hagiidhi; noonsa sagale hoogginorirano iillishshu. Konne assitinohuno, nabbamboonninsa qaali tiro seekkite buuxxinohuraati.

IYYOOBI 29:13

Reyote gambissinori kaa'leennansa maassidhinoe; galte shii'rino meenti kaa'leennansa hagiidhino.

LAWISHSHA 14:31

Buxane qarrisa Kalaqinonsaha xonate; gadadaamma marara kayinni iso ayirrisate.

LAWISHSHA 22:9

Sagalesi buxichoho beehanno daafira, shooshaqu manchi maassamanno.

ISAYAASI 58:10

hudidhinorira sagale itissiniro, qarrantinore kaa'litiniro, doyisse noo'ne tunsichi xawaabbaho soorramanno'ne. Hashshino'nehu barri gede ikke xawanno'ne.

ISAYAASI 58:7

Sagale'ne hudidhinori ledo beeqqitinanni gede, galannowa hooginoha mine'ne gashshitinanni gede, kallinoha uddisiissinanni gede, kaa'lo hasi'ranno fiixi'nerano alba shawwu yitinannikki gedeeti.

MAATEWOOSI 15:30

Lowo manni naafoota, illiweeloota, laanshaawoota, danqitinorenna wole dhiwamaanono haa're Yesuusiwa abbe lekkasi mule wori. Isino hursinsa.

MAATEWOOSI 22:10

Soqqamaanono doogga marte affu manna baala danchano bushano gamba assitu. Kunni garinni mannu jilu hara wo'mi.

LUQAASI 11:41

Finiinchi'nenna xilti'ne giddo noore buxanete uuyye; hakkunni gedensaanni wo'munku coyi fayyaaleessa ikkanno'ne.

LUQAASI 14:12

Yesuusi jilu annano, «Barri woy hashshi hurbaatira manna woshshatto woyite, badote jilte woshshitannohere jaallakki, roduuwakki, fiixakkinna dureeyye olliikki manna woshshitooti.

LUQAASI 14:14

Hatto assittoro, insa qola dandiitannokki daafira maassamatto. Keeraano ka'anno barrano Maganu bado qolannohe» yiisi.

LUQAASI 14:21

«Soqqamaanchuno galagale hige konne coye baala mootichisira kuli. Minu annino hanqe, soqqamaanchosi, ‹Rakke ka'e katammate doogganna qarruwa marte buxane, laanshaabbinore, illiweelootanna naafoota woshshite abbi!›

SOQQAMAASINETE LOOSO 9:39

Pheexiroosino kae soqqame dayino manni ledo ha'ri. Hakkiira iilli yannara minu aana minnoonni mini iimira fushshitusi. Galte shii'rino meenti baalu reeshsha doyisse wi'lanni, Dorqa lubbotenni noo yannara uddidhanno uddanna leellishanni no.

MARRO 14:29

Konne assitinannihu uminsa qeecha woy iqqa afidhinokkiri Leewaawootunna manni gobba manni katamma'nera heedhannori annunna ama noonsakkirinna gunnootu daye ite duuwanno gedeeti. Ki'nerano Magani'ne Kaaliiqi assidhinoonnire baala maassi'ranno'ne.

MARRO 16:11

Ki'ne, ooso'nenna, soqqamaano'ne, katamma'nera heedhanno Leewaawootinna giddo'ne hee'rannohu manni gobba manni, annunna ama noonsakki oosonna gunnootu Magani'ne Kaaliiqi magansi'nasira doodhanno darga martine Magani'ne Kaaliiqi albaanni mitteenni hagiidhe.

MARRO 16:14

Ayyaani'nera ki'ne, ooso'ne, soqqamaano'ne, katamma'nera heedhanno Leewaawooti, manni gobba manni, annunna ama noonsakki oosonna gunnootu ledo hagiidhe.

UMI XIMOOTEWOOSI 3:2

Kunnira, beetekiristaanete albisi minshanniri nookkiha, mitte galteha, jilba sa"annokkiha, umosi qee'linoha, amanyoote agadhannoha, wosina adhannoha, rosiisa dandaannoha,

UMI XIMOOTEWOOSI 5:10

Oososeno danchu garinni lossi'rate, wosina adhate, keeraanote lekka hayishshate, qarrantinore kaa'latenna dancha looso baala loosate diinaggaabbannota ikka hasiissanno.

TIITO 1:8

wosina adhannoha, dancha coye baxannoha, umosi ceinoha, halaalaancho, Maganu soqqanshora baxxinoha, jilba sa"annokkiha ikkona.

FILIMOONA 1:7

Rodoo'ya! Atenni kainohunni ammanaasinete wodani fooliishshi'rino daafira, baxillikki lowo hagiirrenna jawaante uyinoe.

IBIRAAWOOTA 13:2

Wosina adha habbinoonte. Mitu mitu affukkinni sokkaasine wosinchimma adhitino.