LUQAASI 13:6 - Qullaawa Maxaafa

⁶ Hakkunni gedensaanni Yesuusi masalsanni, «Mittu manchira woyinete haqqe darga kaansoonniti mitte balasete haqqicho noosi. Laalo adhara maranno woyite, aanaho mitturino dino.

LUQAASI 13:6 ပူးပေါင်းရင်းမြစ်များ

ERMIYAASI 2:21

Ani danchu dooraminohu woyinete kaashshi gede asse kaasoommo'ne; ki'ne kayinni soorrantine dubboho bainohu woyinete kaashshi gedeere ikkitinoonni.

ERMIYAASI 8:13

Kaaliiqi, «Loosi'rinohu jajjasi gamba assi'rannonte gede, ani manna'ya gamba assi'rammora hasi'roommo. Insa kayinni laalo afidhinokki woyine, guma afidhinokkitenna daro qoortino haqqicho gedeere ikkitino. Kunni daafira oommonsa baatto, allaggu adhanno gede asseemmo» yii.

LUQAASI 13:5

Dee'ni, dihattooti; cubbo'ne aagintaawa hoogginiro, ki'neno ba'inanni» yiinsa.

LUQAASI 3:9

Xa meesane haqqete rumushshi hunda no. Kunnira, dancha guma laalannokki haqqa baala karre giirate tunganni» yiinsa.

YOHAANNISI 15:16

Anilla ki'ne dooroommo'ne ikkinnina, ki'ne ane didoodhitinoonnie. Hadhine batinye guma laaltinanni gede, gumi'neno ba"annokki gede shoomoommo'ne. Kunnira ane su'minni huuccidhinannire baala Anni'ya aanno'ne.

GALATIYU SOKKA 5:22

Ayyaanu laalo kayinni baxilleho, hagiirreho, keereho, cincate, shooshanqete, danchummate, ammanamate,

FILIPHISIYUSI SOKKA 4:17

Hatto yeemmo'ne woyiteno, ki'newiinni mitore yore ikkikkinni, uyitinoonnie afanshi daafira maasso lexxitanno'ne gede halcheeti.

EJJEETTO 9:11

Balase kayinni, ‹Haqqete aana lenqe yaate yee, lowo geeshsha coommado laalo'ya aa aguroni?› yitino.