LUQAASI 13:35 - Qullaawa Maxaafa

³⁵ Kunnira, mini'ne onanno. Halaale kuleemmo'nena, ‹Mootichu su'minni daannohu maassaminoho› yitina geeshsha ane horonta diaffinannie» yiinsa.

LUQAASI 13:35 ပူးပေါင်းရင်းမြစ်များ

FAARSO 118:26

Kaaliiqi su'minni daannohu maassaminoha ikko; Kaaliiqi Mine hee'ne maassi'neemmo'ne.

FAARSO 69:25

Heedhanno gobba onto; minensa galannohu hoogo.

ISAYAASI 52:7

Ilaallate aana keerunnirenna gatonnire hasaawannohu, dancha duduwo duduwannohunna, «Maganikki moohanno» yee, Tsiyoonira kulanno sokkaanchi lekka hiitto biiffinote!

ERMIYAASI 22:5

Hajajoommore assa hoogginiro kayinni, halaale kuleemmo'nena, kuni mini diigamanno. Konne coye coyi'roommohu ani Kaaliiqaati» yii.

ERMIYAASI 35:17

Kunnira, ani Israeelete Magani Olantote Mootichi Kaaliiqi, kuneeti abbeemmo yoommoha busha coye Yihudunna Yerusaalamete manni aana abbeemmo. Konne asseemmohu kuloommo'nere macciishshanna, woshsheennano yee yaa gibbinoonnihuraati» yii.

MIKIYAASI 3:12

Kunnira, ki'nenni kainohunni Yerusaalamete Katami loosi'nanni darga ikke gatanno. Diigame duuno ikkanno. Qullaawu Mini minamino ilaalino dubbo ikkanno.

ZAKKAARIYAASI 12:10

«Daawiti sirchiranna gattinorira Yerusaalamete mannira mararrotenna huuccattote wodana qoleemmonsa; kunnira, qassinoha illetenni la'e, afi'rino mitto shii'rino manchi gede ikkite wi'litannosi; bayiru beetti reyinosi manchi gede hururante wi'litannosi.

ZAKKAARIYAASI 14:2

Yerusaalame qassanno gede daga gamba asse abbeemmo; katama amaddanno; minna soqqanno; meentono amadde shollishshanno; mannu giddonni daratu qafadame ha'ranno; gatinohu kayinni katamunni difulanno» yaanno.

MAATEWOOSI 21:9

Albasiinninna badhesiinni ha'ranni noo manni, «Hosaina! Daawiti Beettira galata ikko; Mootichu su'minni daannohu maassaminoho! Hosaina! Galatu Gordoho hee'rannohura Maganoho ikko!» yaanni qeexaa'li.

MAATEWOOSI 23:37

Yesuusi qole, «Yerusaalame, Yerusaalame! Ati himanaano shaattati! Atewa sonkoonnire kinnatenni awwaalattati! Lukkicho caacurrese qoolise giddo gamba assidhannonte gede, anino oosokki mitteenni gamba assammora me"e hige hede hoogummo! Ki'ne kayinni dihasidhinoonni.

LUQAASI 19:41

Yesuusi Yerusaalame iille laihu gedensaanni katamu daafira wi'li.

LUQAASI 21:24

Insa giddonni lowo manna bagadu shaanno; woloota qafande addi addi gobba haa'ne ha'nanni. Dagate yanna sa'a geeshsha Yerusaalame daga kadde gashshitanno» yii.

YOHAANNISI 12:13

Kunnira saattu daro haa're Yesuusa haa'rara fule, «Galata Maganoho; Mootichu su'minni daannohu Israeelete Moote maassaminoho» yaanni qeexaa'li.