LUQAASI 13:29 - Qullaawa Maxaafa

²⁹ Hakka woyite mannu soojjaatinni galchiminni, aliyyenninna wodiidinni daye, Maganu Gashshooti giddo jilaho ofollanno.

LUQAASI 13:29 ပူးပေါင်းရင်းမြစ်များ

KALAQAMA 28:14

Sirchokkino baattote shaafi gede asse batiseemmo; soojjaatinna galchimi, aliyyenna wodiidi geeshsha hala'latto; daga baalano atenninna sirchikkinni maassantanno.

ISAYAASI 43:6

« ‹Ooso'ya xeertote gobbanni daggona hooltinoontensa› yee, Aliyyeenninna wodiidoonni noo gosara kuleemmo.

ISAYAASI 49:6

Kaaliiqi, «Galagalchite Yaiqoobi ilamaha ayirrinyensa qolatenna, gatinoha Israeelete manna wodate, soqqamaancho'ya ikka calla di"ikkitino. Hakkiinni roore gatisaanchimma'ya, gobbate qacce geeshsha iillishatto gede, daga baalate caabbicho asseemmohe.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

MAATEWOOSI 8:11

Lowo manni soojjaatinna galchiminni daanno; gordu Gashshooti jilira Abirihaami, Yisihaaqinna Yaiqoobi ledo ofollanno.

MAARQOOSI 13:27

Hatte yannara sokkaasine soyanno; insano shoolenka raga hadhe, gordunna gobba qasidhino geeshshinni Maganu doodhinore gamba assitanno.

LUQAASI 13:30

Kunnira albiidiri gedensiidire, gedensiidiri albiidire ikkitanno» yii.

SOQQAMAASINETE LOOSO 28:28

«Xa kayinni tenne Maganunnita gatisaanchimmasi sokka dagate sonkoonnita affe; insano, ‹Maahoyye› yite adhitanno» yii.

QOLASIYAASI SOKKA 1:23

Kuni ikkannohu, xintantinenna sigiiggine, Danchu Duduwinni daggino hexxowiinni miliqqi yitinikinni ammanatenni kaajjitine heedhinirootilla. Kuni Danchu Duduwi, ki'ne macciishshitinoonnihonna kalqe baalate kulloonniho. Ani Phaawuloosino soqqamaancho ikkoommohu kunni Danchu Duduwiraati.

QOLASIYAASI SOKKA 1:6

Ki'ne Dancha Duduwo macciishshitinihunna Maganu elto halaale ikkitinota huwattinihunni kayise giddo'ne hee'rinte gede, kuni Danchu Duduwi alame baalateno guma laalanninna lophanni no.