LUQAASI 13:28 - Qullaawa Maxaafa

²⁸ Yesuusi lede, «Abirihaami, Yisihaaqi, Yaiqoobinna himanaano baala Maganu Gashshooti giddo affinanni; ki'ne kayinni gobbaanni tugantine gattinanni woyite, wi'lanna hinkote quruuxa ikkanno'ne.

LUQAASI 13:28 ပူးပေါင်းရင်းမြစ်များ

FAARSO 112:10

Bushuullu tenne affe aarantanno; iso busha illenni la'annosi; insa kayinni ba'anno; hexxonsano mullare ikkite gattanno.

MAATEWOOSI 13:42

Goolu giira giddo tungeenna hakkiicho wi'litanni suumensa ittanno.

MAATEWOOSI 13:50

Cubbaataamma goolu giira giddo tuggeenna hakkiicho wi'litanni suumensa ittanno» yii.

MAATEWOOSI 22:13

Moote soqqamaanosira, ‹Anganna lekka usurtine gobba tunsichoho fushshitine tugge; hakkiicho wi'lanna suume ita agartannosi› yiino» yii.

MAATEWOOSI 24:51

Hakkonne busha soqqamaancho Mootichisi qorichishannosi; gawalosino lawisiisaanote ledota ikkitanno gede assanno. Hakkiicho wi'lanna suume ita agartannosi» yiinsa.

MAATEWOOSI 25:30

Konne tidhinokki soqqamaancho gobba fushshitine tunsichoho tugge. Hakkiicho wi'lanna suume ita agartannosi› yiino» yii.

LUQAASI 10:15

Ati Qifirinahoomino, ufuufante gordo iillootto; ikkollana dirrite gaannaame eatto» yii.

LUQAASI 14:15

Ledosi sagalete ofolte noori giddonni mittichu Yesuusi coyi'rinore macciishshe, «Maganu Gashshootira jilaho ofollannohu hiitto ba'raa'rinoho» yii.

LUQAASI 16:23

Jeennaatu giddo hee're fooggalanni, ale hige la"anno woyite Abirihaaminna mulesi ofolle nooha Aliaazaari afi.

LAYINKI TESELONQE 1:5

Kuni coyi baalu, Maganu yoo halaalaancho ikkitinotanna ki'ne qarra adhitinoonnihura Maganu gashshootira guuta manna ikkitinoonnita leellishanno.

LAYINKI PHEEXIROOSI 1:11

Kunni garinni hegereha Mootichinkenna Gatisaanchinke Yesuusi Kiristoosi gashshoote eate kaayyo uyinanni'ne.

YOHAANNIS AJUUJA 21:8

Ikkollana waajjaleeyye, amma'na noonsakkiri, battaabbinori, manna shitannori, foortannori, bittannori, kaphu maganna magansidhannorinna kaphaaleeyye baalate gawalo ruqanunnihura giirate baari giddooti; tinino layinkimeeshshu reyoti» yii.

YOHAANNIS AJUUJA 22:15

Woshshu suudiri, bittannori, foortannori, manna shitannori, kaphu maganna magansidhannori, kapho baxxannorinna kaphu looso loossannori baalu katamaho gobbaanni gattanno.