LUQAASI 13:25 - Qullaawa Maxaafa

²⁵ Minu anni kae waalcho cufanno. Ki'ne gobbaanni uurritine woshshitinanni, ‹Mooticha, ninkeetina faninke!› yitinanni. Isi qole, ‹Maminni dagginoonniro diegennoommo'ne› yaanno'ne.

LUQAASI 13:25 ပူးပေါင်းရင်းမြစ်များ

KALAQAMA 7:16

Lubbo afi'rinori baalunku labbaahunna meyati Maganu Nohi hajajino garinni ei. Kaaliiqi Nohira waalcho gobbaanni cufi.

FAARSO 32:6

Kunnira, qarru lolahi iillannonsakki gede, keeraano baala yanna heedheenna, ate huuccidho.

ISAYAASI 55:6

Kaaliiqa leellanno yannara hasidhe; shiqqi yee hee'reenna woshshidhe.

MAATEWOOSI 25:41

«Hakkunni gedensaanni guraanni noorirano, ‹Ki'ne rumantinoonniri! Anewiinni xeertidhe! Sheexaanehonna sokkaanosira qixxeessinoonnitewa hegere giirawa hadhe!

LUQAASI 13:27

«Isi daware, ‹Maminni dagginoonniro diegennoommo'nena, ki'ne bunshe loossinoonniri baalu anewiinni faffe!› yaanno'ne» yiinsa.

LUQAASI 3:8

Xaate aagintaawa'ne leellishanno looso loosse ikkinnina, ninke Abirihaami sirchooti yitinanni wodani'nenni boo'nitinoonte. Maganu tenne kinna giddonni Abirihaamira ila kayisa dandaannota kuleemmo'ne.

LUQAASI 6:46

«Ani kuleemmo'nere wonshitinikkinni, ‹Mooticha, Mooticha›, yitine mayira woshshitinannie?

LAYINKI QORONTOOSI 6:2

Maganu, «Injiitino yannara macciishshoommohe; gatote barrano kaa'loommohe» yaanno daafira, kuneeti injiitino yanna xaati; gatote barrino techooti.

IBIRAAWOOTA 12:17

Gedensaanni Eesawu maasso galagalche qo'lara hasi'reenna gimboonnisita affinoonni; hattenne maasso qo'late hururame wi'le nafa diafi'rino; gaabbeno qo'la didandiino.