LUQAASI 13:17 - Qullaawa Maxaafa

¹⁷ Yesuusi tenne qolonni qoxxissannosire baala irraawisi. Mannu kayinni isi assino maalale baalatenni hagiidhi.

LUQAASI 13:17 ပူးပေါင်းရင်းမြစ်များ

FAARSO 109:29

Diinna'ya shollinye imaanimma uddidho; saalano aanaho ga'nito.

FAARSO 111:3

Kaaliiqi loosi ayirrinyunna gaamaarre wo'mitinoho; keeraanchimmasino hegerete.

FAARSO 132:18

Diinnasi saala uddidhanno gede asseemmo; isi gashshooti kayinni jironnihanna qawaaxxonniha ikkanno.

FAARSO 40:14

Lubbo'ya huntara hasidhannori irraabbo; qeelanto; qarrameenna hagiidhitannori saalfatte badhera higgo.

FULO 15:11

Kaaliiqa, magannate giddo ate gedeehu ayi no? Maala'linanni qullaambehu, waajjishanno xirchihu, dhagge loosannohu ate gedeehu ayi no?

ISAYAASI 4:2

Mitto barra Kaaliiqi baattote aana noo haqqe baalate sinna hala'lite lattanno gede assanno. Israeelete giddonni baotenni gattinori baalu baatto uyitanno laalchinni la'mite hagiidhitanno.

ISAYAASI 45:24

Mannuno, ‹Keeraanchimmanna wolqa Kaaliiqiwa no› yee coyi'ranno; gibbannoeri baalu anewa dagge saalfattanno.

ISAYAASI 66:5

Ki'ne waajjitinannisirinna hajajantinannisiri, Kaaliiqi yaannore macciishshe: «Ki'ne ammanantinoonnire ikkitinoonni daafira, gamu manni'ne ki'ne giwe, ledo'ne xaadara dihasi'ranno. ‹Hagiidhitinanna la'neemmona, hanni Kaaliiqi lowimmasinni gatiso'ne› yitanni qacifattanno'ne. Ikkollana insa uminsa irraabbe gattanno.

LUQAASI 14:6

Kunni coyirano mittore dawara didandiitino.

LUQAASI 18:43

Manchuno hakkawoyintenni ille fa'niteennasi lai. Maganono galatanni Yesuusi hoode ha'ri. Mannu baaluno konne coye lae Magano galati.

LUQAASI 19:48

Mannu baalu Isi coyi'rannore macciishshate roorae noo daafira, mittoreno assa didandiitino.

LUQAASI 20:40

Hakkunni gedensaanni seyate Yesuusira xa'mo shiqishinohu mittuno dino.

SOQQAMAASINETE LOOSO 4:21

Songono insa qorichisha dandiitannokkita affe, mannuno kunni coyira Magano galatanni noo daafira waajjite ledde qorophisiisse hadhanno gede assitu.

LAYINKI XIMOOTEWOOSI 3:9

Iyyaaneesinna Iyyaanibereesi gowwimma xawo fultunte gede, kunni manni gowwimmano mannaho leeltanno daafira diqinaannonsa.

TIITO 2:8

Minshanniri nookki hasaawa hasaawinsa. Kunni garinni qoxxissannonkeri ninke aana haadhe kultannore hoogge saalfattanno.

UMI PHEEXIROOSI 3:16

Qoltinanni dawaro kayinni shaqqillunnitanna owaantennita ikkito; Kiristoosire ikka'nenni danchu akati'nera sabba buurtannori, bunshe coyi'ransara saalfattanno gede, danchu tii"i hee'ro'ne.