LUQAASI 12:4 - Qullaawa Maxaafa

⁴ Yesuusi, «Jaalla'ya ani kuleemmo'nena, maala shaa agurranna wolere assa dandiitannokkire waajjitinoonte!

LUQAASI 12:4 ပူးပေါင်းရင်းမြစ်များ

LAWISHSHA 29:25

Manna waajjannohu woshshaado eanno; Kaaliiqa addaxxannohu kayinni keere afi'ranno.

FAARSO ROORE FAARSO 5:1

Ayirrado rodoo'ya, idayicho'ya, kuneeti kaashshi'ya dargira eoommo; kaarbe'yanna shitto'ya daraaro xinqi'roommo; malawi'ya leo qasonte ledo itoommo; woyinete xajje'yanna ado'ya agoommo. Ki'ne baxillaasine, baxillunni kassi yitina geeshsha itte, agge.

FAARSO ROORE FAARSO 5:16

Afiisi malawimma coommanno; suudisi baalu baxisannoho. Yerusaalamete seenne, baxillaanchi'yanna jaali'ya togooho!

ISAYAASI 41:8

«Ati soqqamaancho'ya Israeele, doodhoommo manni kayinni, jaali'ya Abirihaami sirchooti.

ERMIYAASI 1:17

Ati kayinni qixxaawi; marte ani hajajeemmohere baala kulinsa. Insa waajjitooti; waajjittoro kayinni roore waajjattonsa gede asseemmohe.

ERMIYAASI 1:8

Ani ledokki hee're agareemmohe daafira, manna horontanni waajjitooti; coyi'ranni noommohu ani Kaaliiqaati» yiie.

HIZIQEELI 2:6

«Kayinnilla koo mancho, haxawarroota ikkiturono, insa coyidhanno coyeno waajjitooti! Haxawarroota ikkitinohura utu, kokko'lunna iddu gede ikkite waajjishshuhero nafa horonta waajjitootinsa.

MAATEWOOSI 10:28

Maala agurranna lubbo shaa dandiitannokkire waajjitinoonte. Hatteentenni, lubbonna maala gaannaamete giira giddo huna dandaanno Magano waajje.

YOHAANNISI 15:13

Lubbosi jaalisira sayise aanno manchiha roorino baxilli ayewano dino.

SOQQAMAASINETE LOOSO 20:24

Ani kayinni Mootichu Yesuusi uyinoeha Maganu eltoha Dancha Duduwo kulate looso gudammo geeshsha lubbo'ya nafa dimarareemmo.

SOQQAMAASINETE LOOSO 4:13

Pheexiroosinna Yohaannisi waajjitukkinni coyidhino daafira, songite noori roso afidhinokkire mulla manna ikkitinota affino daafira maala'litu. Yesuusi ledo keeshshitinotano huwattu.

FILIPHISIYUSI SOKKA 1:28

Gibbanno'nere mittu coyira nafa waajjitinoonte! Wo'manka woyite jawaatte. Hatti insara baote, ki'nera kayinni qeellete malaateeti. Konne assannohuno Maganoho.

YAIQOOBI 2:23

Qullaawu Maxaafira, «Abirihaami Magano ammani; ammanasino keeraanchimmate kiirantusi» yaanno qaali wo'mi. Kunni garinni Abirihaami Maganu jaalaati yinisi.

UMI PHEEXIROOSI 3:14

Dancha coye assatenni qarra adhitiniro nafa, baraadhinoonni; waajjishiishshannoreno waajjitinoonte; yaaddinoonte!

YOHAANNIS AJUUJA 2:10

Amadahera noo qarra waajjitooti. Kuneeti, jifantinanni gede ki'ne giddonni mito mito Sheexaanu usuru minira eessa'neraati. Tonne barra qarra adhitinanni; reyote geeshsha ammanantinoonnire ikke; heeshshote ba'latto eemmo'ne.