LUQAASI 12:32 - Qullaawa Maxaafa

³² «Ki'ne shiima hoshsha, Anni'ne gashshootesi aa'nera hasi'rinona waajjitinoonte.

LUQAASI 12:32 ပူးပေါင်းရင်းမြစ်များ

ISAYAASI 40:11

Allaalaanchu gede hoshshasi towatanno; wilii'le isiwa gamba asse hanqafanno; amuuwansano wodaninni shiikkanno.

ISAYAASI 41:14

Ati da'muulchu gedee wolqiweeli, ani kaa'leemmohena waajjitooti. Wodeemmohehu ani Kaaliiqaati; ani Israeelete Qullaawaati.

ISAYAASI 53:6

Ninke wo'munku ge'reewu gede billaalline ba'noommo; baalunku umi uminke doogo hinge ha'noommo; Kaaliiqi kayinni ninke sao isi aana worino.

ERMIYAASI 3:19

Kaaliiqi, «Ani ki'ne Israeelete manna, ooso'ya gede asse dogisiiseemmo'ne. Gobbate aana lowo geeshsha biiffinotanna, shaqqado baatto aammo'nera halchoommo; anna'ya yitine woshshitinaeranna, kunni ka'ano anewiinni horonta badantinannikki gede hasi'roommo.

MAATEWOOSI 14:27

Yesuusi hakkawoyintenni, «Galfatte! Aneetina waajjitinoonte!» yiinsa.

MAATEWOOSI 20:16

Hakkunni gedensaanni Yesuusi, «Hattonni gedensiidiri albiidire ikkitanno; albiidiri gedensiidire ikkitanno» yii.

MAATEWOOSI 25:34

«Hatte yannara Moote qiniitesiinni noore, ‹Ki'ne Anni'ya maassi'rino'neri! Amme! Alame kalaqantuhunni kayise qixxaawino'neha Gordu Gashshoote ragidhe!

MAATEWOOSI 7:15

Yesuusi, «Kaphaano himanaanowiinni umo'ne agadhe! Insa ge'reewu lande uddidhe dogganno'ne; giddoyidonsa kayinni bibbiddanno hiyyeeyyeeti.

LUQAASI 10:21

Hatte yannara Yesuusi Qullaawu Ayyaaninni hagiidhe, «Gordunna baattote Mooticha Anna'ya, konne coye egennaammahonna hayyoolete maaxxe affinokkirira leellishootto daafira galaxxeemmohe. Ee, Anna'ya, kuni ati ikkara halchootto coyeti» yii.

YOHAANNISI 18:36

Yesuusi, «Ane gashshooti tenne gobbaha di"ikkino. Gashshooti'ya tenne gobbaha ikkoommero, olanto'ya gaarante Ayihudete anganni gatissannoe. Gashshooti'ya kayinni tenne gobbaha di"ikkino» yee qoli.

SOQQAMAASINETE LOOSO 20:28

Qullaawu Ayyaani ki'ne hoshshate allaalaasine asse worino'nena, umi'neranna hoshshate seekkitine qorophe. Isi mundeesinni woxxinota Maganu Beetekiristaane allaalle.

SOQQAMAASINETE LOOSO 20:29

Ani ha'rummohu gedensaanni hoshsha marartannokki hiyyeeyye daggannota afoommo.

ROOMU SOKKA 6:23

Cubbu laalchi reyote; Maganuwiinni afi'nanni ba'raa'ri kayinni, Mootichinke Kiristoosi Yesuusi widoonni hegere heeshshooti.

UMI QORONTOOSI 1:21

Tenne gobba manni Magano uminsa egennonni afa hoogino daafira, ninke kulleemmoha gowwimma lawannoha Dancha Duduwo ammantannori gattanno gede Maganu fajjino.

FILIPHISIYUSI SOKKA 2:13

Hatto assitinannihu, dancha hedosi daafira, heddinannireno ikko assitinannire ki'ne giddo loosannohu Magano ikkinohuraati.

LAYINKI TESELONQE 1:11

Konne coye hedatenni ki'ne daafira wo'manka woyite huucci'neemmohu Maganinke, woshshino'ne heeshshora maltinoonnire ikkitinanni gedenna dancha coye assate noo'ne halchonna ammana'ne looso baala wolqasinni guuttinannire assanno'ne gedeeti.

LAYINKI TESELONQE 1:5

Kuni coyi baalu, Maganu yoo halaalaancho ikkitinotanna ki'ne qarra adhitinoonnihura Maganu gashshootira guuta manna ikkitinoonnita leellishanno.

IBIRAAWOOTA 12:28

Kunnira, ninke shafamannokki gashshoote ragi'neemmo daafira Magano galaxxineemmo. Hagiidhanno garinni ayirrinyunninna waajjatenni magansi'nosi.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

LAYINKI PHEEXIROOSI 1:11

Kunni garinni hegereha Mootichinkenna Gatisaanchinke Yesuusi Kiristoosi gashshoote eate kaayyo uyinanni'ne.

YOHAANNIS AJUUJA 1:6

Maganu Annisira soqqammeemmo gede qeesootu gashshoote assinonkehura, Yesuusi Kiristoosira hegere hegerera ayirrinyunna wolqa ikkitosi! Hamii'ni!

YOHAANNIS AJUUJA 22:5

Kunni ka'a hashshu dihee'ranno; Mootichu Maganu xawisannonsa daafira, caabbichu woy arrishshote xawaabbi dihasiisannonsa. Insano hegere geeshsha mookkanno.