LUQAASI 12:21 - Qullaawa Maxaafa

²¹ Baattote aana jiro duu'ne, Maganu albaanni buxino manchi hattooho» yii.

LUQAASI 12:21 ပူးပေါင်းရင်းမြစ်များ

LAWISHSHA 13:7

Mitu noosiri nookkiha afi'raamo lawanno; wolu kayinni lowo jiro heedheennasinni buxicho lawe hee'ranno.

HOOSEI 10:1

Israeelete manni lowo hunduruurro amaddino haqqicho woyinennite gedeeho. Qiniitu bati'rinsa deerrinni, batinye kakkalote darga seekkidhino. Baattonsa guma uyite duroonsitunsa deerrinni, kaphu magannara kumbuullannita kinchu misilla seesiisse seekkidhu.

IMBAAQOOMI 2:9

Beebbatenni gamba assidhinoonni jiro mine wonshidhinoonniri, dano iillitanno'nekki gede mine tullote aana mi'nitinoonnirira ki'nera aanne'e!

LUQAASI 12:33

Noo'nere baala hirtine buxanete uuyye! Akkalannokki ogoro seekkidhine, mooraanchu iillannokkiwa, daanillu qasannokkiwanna goofannokkiwa gordoho wodhe.

LUQAASI 16:11

Hatto ikkina, tenne gobba jirora ammanama hoogginiro, halaalaancho jiro ayi ammane aanno'ne?

LUQAASI 6:24

«Ki'ne dureeyye kayinni, xa qawaaxxidhine heedhinoonni daafira, ki'nera aanne'e.

ROOMU SOKKA 2:5

Aagintaawa hoogakkinninna mokkookka ikkakkinni, Maganu hanqinna halaalaancho yoo dagganno barrira hanqosi aanaho lexxatto.

LAYINKI QORONTOOSI 6:10

Dadillu amadinkerono, wo'manka woyite hagiirraammaho. Buxane ikkine hee'nenni, lowo manna duroonsineemmo. Noonkerino hoogiro, baalunkuri ninkeho.

UMI XIMOOTEWOOSI 6:9

Dureeyye ikka hasidhannori kayinni jifante ubbanno. Manna doonsitannotenninna huntannotenni haafunna hamaamukkitte yortonni woshshaadantanno.

YAIQOOBI 2:5

Baxantinoonni roduuwa'ya! Macciishshe, Maganu ammanatenni dureeyye ikkitanno gedenna iso baxxannorira uyinonsa hexxo garinni gashshoote ragidhanno gede, tenne gobba buxane didoorino?

YOHAANNIS AJUUJA 2:9

Qarrakkinna buximakki afoommo; ikkollana ati dureessaho. Ayihude ikkitukkinni, «Ninke Ayihudete» yitannori, Sheexaanu gaamora miilla ikkitinori xontannohe xono afoommo.