LUQAASI 12:15 - Qullaawa Maxaafa

¹⁵ Qoleno wo'munkura, «Mannu heeshsho woxu batinyinni anfannita di"ikkitinona, hafuuraamma ikkitinoonte! Umo'ne agadhe!» yiinsa.

LUQAASI 12:15 ပူးပေါင်းရင်းမြစ်များ

UMI MOOTOOLLA 2:40

harricho koodhe Gaati mootewa Akiishiwa ha'ri. Soqqamaanosino hakkiicho afi're minira adhe higi.

IYYOOBI 2:4

Sheexaanu qole, « ‹Manchoho umosi roorinori dino› yinoonninte gede, manchu noosire baala lubbosira yee aanno.

FAARSO 10:3

Wodanisi halchonni adawadhanno; honqooqicha maassi'ranno; Maganono seyatanno.

FAARSO 37:16

Keeraanchunniti shiima jiro, bushuullunnita lowo jiro roortanno.

FAARSO 62:10

Wolqisa'nenni adawadhitinoonte; saantine duubbinara heddinoonte; jiro afidhiniro nafa, ise addaxxitinoonte.

LAWISHSHA 15:16

Duroo'mine qarru giddo hee'rantenni, bunxe hee'ne Kaaliiqa waajja roortanno.

LAWISHSHA 16:16

Culkunkunni egenno afi'ra, birrunkunni wodancha afi'ra roortanno.

LAWISHSHA 28:16

Wodancha xe'ino gashshaanchi mararro diegennino; hanaaqo giwannohu kayinni lowo diro hee'ranno.

ERMIYAASI 6:13

Mannu baalu hanaaqunni woxe duu'nanno; himanaanonna qeesootu nafa manna dogganno.

HIZIQEELI 33:31

Kunnira, manni'ya ati coyi'rattore macciishsharalla gamba yaanno; kayinnilla, kulattonsare baala diwonshanno. Kulatto qaale goowi alita naaddanno; wodaninsara kayinni hafuurre wo'mitino.

MIKIYAASI 2:2

Hasidhuro manni baatto wolqatenni loosidhanno. Mine hasidhuro manniha giddetenni adhitanno. Manna fugge beeshshite jajjansa adhitanno.

IMBAAQOOMI 2:9

Beebbatenni gamba assidhinoonni jiro mine wonshidhinoonniri, dano iillitanno'nekki gede mine tullote aana mi'nitinoonnirira ki'nera aanne'e!

MAARQOOSI 7:22

foorrete, yortote, bunshete, xagarrote, amanyootiweellete, dhiibbete, hemete, boo'nate, yamalaimmate.

LUQAASI 12:16

Hakkiinni aanche Yesuusi, «Jajja dancha gede fushshitanno baatto afi'rinohu mittu dureessu manchi no.

LUQAASI 16:14

Farisootu woxe baxxannore ikkitino daafira, Yesuusi coyi'rinore baala macciishshite arrassitusi.

LUQAASI 21:34

Yesuusi lede, «Itunna agu batinyinni, dimbatenninna tenne gobba heeshshora yaaddinanna wodanu daafuranno'nekki gede qorophe! Hakkuyi ka'a kayinni, hakku barri hedeweelcho woshshaadote gede ikke amadanno'ne.

LUQAASI 8:14

Utu mereero uwino wixi masalo, Maganu qaale macciishshituhu gedensaanni, tenne gobba hedo, jirote baxillinna wole yorto wodaninsa giddora e'e macciishshitino qaale beeshshiteenna gumiweelte gattannore kulanno.

UMI QORONTOOSI 6:10

mooraano woy hafuuraammu woy dimbaasine woy mannu su'ma huntannori woy mulqidhannori Maganu Gashshoote diragidhanno.

QOLASIYAASI SOKKA 3:5

Kunnira uullate aana noota tenne gobba yorto duucha shiiyye. Hakkurino foorrete, battaawate, maalu yortote, busha halchooti, kaphu maganna magansi'rate yortooti.

LAYINKI XIMOOTEWOOSI 3:2

Mannu umosi baxannoha, woxe baxannoha, naaxxaleessa, boonaleessa, xonamaancho, iltinonsarira hajajamannokkiha, galata afi'rinokkiha, qullaawa heeshsho afi'rinokkiha,

IBIRAAWOOTA 13:5

Woxu baxille qorophe; noo'nehu ikko'ne! Maganu, «Horo diagureemmohe; dicallachisheemmohe» yiino.

IYYAASU 7:21

afi'noommo uduunni giddonni seyinoha Baabiloonootu kaabba, 2 kiilo keenanno geeshshiha kinchu birranna kiilote darate ikkannoha micciirote culka laoommo; yorsiisinoe daafira adhoommo. Kore, birra woroonni wore dukkani'ya giddo waameenna no» yii.

LAYINKI PHEEXIROOSI 2:14

Foorre batidhinonsareeti; cubbo loosse disarmitannoreeti; ammanate jawaatinokki manna dogganno. Yogortichu wodanireeti; rumantinoreeti.

LAYINKI PHEEXIROOSI 2:3

Kuri kaphu rosiisaano woxeho hagaagansanni, kalaqqe coyidhanno masalonni woxe'ne guddanno. Lowo yannanni kayisse insara yoo qixxaabbe no; baonsano digattannote.