LUQAASI 12:14 - Qullaawa Maxaafa

¹⁴ Yesuusi qole, «Koo mancho, ane ki'nera cimeessanna iqqa beeheemmoha asse worinoehu ayeti?» yiisi.

LUQAASI 12:14 ပူးပေါင်းရင်းမြစ်များ

FULO 2:14

Manchuno, «Ninkera roorrichanna yoo yaattoha asse worinohehu ayeti? Woy Gibitsicha shiitto gede aneno shaattoera hasi'roo?» yiisi. Museno lowo geeshsha waajje, «Hada assoommore mannu afe kaino» yee hedi.

MIKIYAASI 6:8

Dee'ni; danchu coyi maatiro Kaaliiqi kulinoe. Isi ninkewiinni hasi'rannohu, taalo ikkino coye assinammora, danchumma wo'mitino baxille leellinshammoranna Maganu ledo gudisamme joongillunni hee'nammoraati.

LUQAASI 12:13

Mannu giddonni mittu manchi Yesuusa, «Rosiisaancho, anninke uyinonke iqqa beehannoe gede rodii'yara kulisi» yiisi.

LUQAASI 22:58

Shiima yanna gedensaanni wolu manchino Pheexiroosi lae, «Atino insa ledoho» yii. Pheexiroosi qole, «Ko mancho! Ani isi ledoha di"ikkoommo!» yii.

LUQAASI 5:20

Yesuusi amma'nansa afe laanshaawa mancho, «Koo mancho, cubbikki aguraminohe» yiisi.

YOHAANNISI 6:15

Mannu Yesuusa wolqatenni amade moote assasira hedinota afe, callisi fule gaaru widira hige ha'ri.

YOHAANNISI 8:11

Iseno, «Mooticha'ya, mittuno dino» yitu. Yesuusi qole, «Anino busha yoo diyeemmohena ha'ri; kunni ka'a cubbo loossooti!» yiise.]

ROOMU SOKKA 2:1

Ati woleho yoo yaatto manchi, ku'lite gatattori dinohe. Woleho yaatto yoo ate aanano daggannote. Hatto ikkannohu, woleho yoo yaattohu, atinni qolte hakkonne coye assatto daafiraati.

ROOMU SOKKA 2:3

Hatto assitannorira yoo yitanni heedhe, insa assitannore assattohu ati manchu kayinni, Maganu yoowiinni gatattoha lawannohe?

ROOMU SOKKA 9:20

Koo mancho! Maganu ledo xa'mamate mayi taalleenyi noohe? Doru uduunnichi ganannosiha, «Togo assite mayira loosittoe» yaa dandaannoni?