LUQAASI 11:48 - Qullaawa Maxaafa

⁴⁸ Akaakka'ne shitino himanaano waamma seekka'nera, ki'neno hakkunni bushu loosinsara ledoreetinna naqaashshete.

LUQAASI 11:48 ပူးပေါင်းရင်းမြစ်များ

LAYINKI DUDUWO 36:16

Israeelete manni kayinni soyino manna qacifatino; himanaano oso'lanni qaalesino lashshi asse agurino. Kunninni kainohunni gatte affannokkihu Kaaliiqihu lowo hanqi aanansa dirrino.

IYYOOBI 15:6

Amadannohehu coyi'rootto coyeti ikkinnina, ane di"ikkoommo; arrawikkinni coyi'rootto coyi naqaashshete.

FAARSO 64:8

Maganu afiinsanni fulanno coyinni hunannonsa; la"annonsahu baalu oso'lannonsa.

HIZIQEELI 18:19

« ‹Hatto ikkina, beettu annu cubbira qorichishamannokkihu mayiraati?› yitinanniha ikkanno; beettu taalonna dancha coye assino. Hajajo'ya baala seekke agadhino daafira, isi addinta lubbotenni hee'ranno.

MAATEWOOSI 23:27

«Kine lawisiisaano, Seeru rosiisaanonna Farisootu, ki'nera aanne'e! Giddo reyino manni miqqanna bowanye wo'mite heedheenna, gobbayido kayinni sorsa buurre biifinsoonni moogga labbinanni.

MAATEWOOSI 23:31

Himanaano shituri ooso ikka'ne ki'ne umi'ne farcidhinoonni.

LUQAASI 11:47

Himanaanote waammara madaada gantinannirira ki'nera aanne'e; insa shitinorino akaakka'neeti.

LUQAASI 11:49

Kunnira Maganu hayyo, ‹Insawa himanaanonna soqqamaasine soyemmo. Insa giddonnino gama shitanno; gama gadadissanno.›

ROOMU SOKKA 1:32

Togoore assitannorira baalaho reyo maltinonsata kulannoha Maganu Seera affanni heedhenni, konne coye assitanno. Konne coye assitanni nooreno jawaachishshanno.

YAIQOOBI 5:10

Roduuwa'ya! Mootichu su'minni coyidhino himanaano, cincite qarra adhatenni lawishsha ikkitinota affe.

IYYAASU 24:22

Iyyaasuno, «Maahoyyena xa Kaaliiqa magansi'rate doodha'nera ki'ne ki'neneera naqaashshete» yee coyi'rinsa. Insano, «Ee! Ninke ninkeneera naqaashshete!» yite dawartu.